Almaty qalasy ákimdiginiń mádenıet basqarmasynyń jáne «BAURZHAN foundation» qory qoldaýymen 2022 jylǵy 5 qarasha Almaty qalasy «Forým» SOO-da Qazaqstandaǵy balalar jylyna arnalǵan KitapFest kitap festıvali ótedi, - dep habarlaıdy almaty-akshamy.kz
KitapFest kitap festıvali – Almaty qalasynyń ómirindegi mádenı-buqaralyq shara. 2014 jyldan beri ótkizilip kele jatqan KitapFest respýblıkalyq deńgeıdegi alǵashqy kitap festıvali bolyp tabylady. 8 jyl ishinde KitapFest tanymal qazaqstandyq avtorlar men baspalardyń qatysýymen 150-den astam kitaptyń tusaýkeserin ótkizgen shyǵarmashylyq jazýshylyq kezdesýler úshin bedeldi jáne qýatty alańǵa aınaldy.
2022 jyl syrt qalmaıdy. Bıylǵy Kitap Fest kids festıvali Qazaqstandaǵy balalar jylyna arnalǵan, sondyqtan kelýshilerdi aýqymdy balalar baǵdarlamasy, balalar jazýshylary Lılıa Klaýs, Gúlnara Jandybaeva, Gúljan Sársenova, Ásel Sapaqovamen kezdesý, «Tańys bolaıyq! Batyr», «Bólisý degen- baqyt», «Batý men onyń dostarynyń shytyrman oqıǵalary» kitaptarynyń tusaýkeseri ótedi.
Kitap Fest Kids baǵdarlamasy:
- Kitap almasý, sórelerdi ártúrli janrdaǵy qyzyqty kitaptarmen tolyqtyrýdyń biregeı múmkindigi.
- Jazýshylar shatyry, otandyq jazýshylar óz kitaptaryn tanystyryp, pikir almasady.
- «Oflaın kitaptar týraly» shatyry, tanymal balalar jazýshylary, blogerler jáne tabysty áıelder qaýymy óz tájirıbelerimen bólisedi.
- Kitap jármeńkesi, kitap dúkenderi, baspagerler jáne ınternet-dúkenderi óz ónimderin kórmede usynady, Festıvál barysynda qalaǵan ádebıetti 20% - ǵa deıin jeńildikpen satyp alý.
- Balalarǵa arnalǵan oıyn-saýyq baǵdarlamasy, anımatorlar, teatr qoıylymdary, sheberlik synyptary, akvagrım men túrli qyzyqty baıqaýlar kelgen qonaqtarǵa tamasha kóńil-kúı syılamaq.
Sondaı-aq, festıválde alǵash ret «Aýylǵa kitap» aksıasy ótedi, onda kez-kelgen oqyrman óz kitabyn Qazaqstannyń aýyldyq kitaphanalaryna ótkize alady.
Anyqtama: BAURZHAN Foundation áleýmettik jobalardy júzege asyrýmen aınalysady. Qazirgi KITAP FEST KIDS festıvaliniń maqsaty-balalardyń kitapqa degen qyzyǵýshylyǵyn arttyrý, oqyrman mádenıetin damytý, jazýshylar men olardyń oqyrmandary úshin biryńǵaı alań qurý