Ózin-ózi damytý kýrstary: «Táýelsiz ómir mektebi» jáne «TenQogam» jobasy.
Almaty qalasy jumyspen qamtý jáne áleýmettik baǵdarlamalar basqarmasy basshysynyń orynbasary Danıar Álkebaıuly Óńirlik komýnıkasıalar qyzmeti alańynda sóılegen sózinde múmkindigi shekteýli jandardyń qoǵamǵa aralasýyna qalaı kómektesetinin aıtyp berdi, dep habarlaıdy Almaty-akshamy.kz.
«Qalamyzda múmkindigi shekteýli jandardy áleýmettendirý jáne olardyń jumysqa ornalasýyna kómektesý maqsatynda «TenQogam» múgedek adamdardy áleýmettik qoldaý ortalyǵy» jobasy júzege asyrylýda. Ortalyq mamandary jumysqa ornalasýdyń bastapqy kezeńinde óz qamqorlyǵyndaǵy adamdardy ertip júredi», - deıdi Danıar Álkebaıuly.
Sonymen qatar, Almatyda múgedektigi bar adamdardyń máselelerin áleýmettendirýge jáne sheshýge kómektesetin zańgerler, psıhologtar, keńesshi mamandar jumys isteıdi. Olardyń jeke tulǵa retinde ósýi, jumysqa ornalasýy, kásipkerlik boıynsha kýrstar men sheberlik synyptarynda onlaın-oqytýdan ótýi kezinde mamandardyń kómegi asa qajet. Jarty jyl ishinde 424 múgedektigi bar adam osy qyzmetterdi aldy.
«Múmkindigi shekteýli adamdarǵa óz boıyndaǵy qorqynysh pen senimsizdikti jeńýge, ózin-ózi baǵalaýǵa kómektesetin «Táýelsiz ómir mektebi» jobasyn júzege asyrý jalǵasýda. Joba aıasynda «Aq bastaý» pansıonatynda turyp jáne baryp oqytatyn aptalyq kýrstar ótkizilip turady. Jyl sońyna deıin 128 adam kýrsta bilim alady dep josparlap otyrmyz. Búgingi tańda «mektepten» 112 adam ótti», - dep málimdedi spıker.
Múgedektigi bar adamdarǵa, múgedek balalarǵa, zeınetkerlerge jáne ómirlik qıyn jaǵdaıǵa tap bolǵan adamdarǵa arnaýly áleýmettik qyzmetter kórsetýge vedomstvoǵa tıesili 10 medısınalyq-áleýmettik mekeme jaýap beredi. Sonymen qatar, memlekettik áleýmettik tapsyrys aıasynda 17 úkimettik emes uıym qyzmet kórsetedi.
Jarty jyl ishinde bul qyzmet 7 040 adamǵa kórsetildi.