Karantın talaptaryn óreskel buzýshylarǵa qatysty 74 materıal sotqa joldanǵan.
Almatydaǵy monıtorıńtik toptar 31 mamyrdan 4 maýsymǵa deıin 82 reıd júrgizdi, onyń barysynda 815 nysan tekserýden ótti, dep habarlaıdy Almaty-akshamy.kz.
Tekserý barysynda karantındik sharalardy buzǵan 31 (3,8%) nysan anyqtaldy. Olarǵa 56 hattama jasaldy, onyń ishinde zańdy tulǵalarǵa 4 360 915 teńge somasyna 13 aıyppul salyndy, Jeke tulǵalarǵa qatysty maska rejımin buzǵany úshin 1 881 465 teńge somasyna 43 hattama jasaldy. Arnaıy aýdanaralyq ekonomıkalyq sotyna 425-bap 1 B. boıynsha 1 materıal berildi: Medeý aýdany boıynsha: Ruanysh Grand Hall banket zaly, A.N. Muhametjan JK.
Jyl basynan beri monıtorıńtik toptardyń músheleri 23 myńnan astam nysandy tekserdi, olarda 2200-den astam karantın sharalaryn buzýshylyq anyqtaldy. Karantın talaptaryn óreskel buzýshylarǵa qatysty 74 materıal sottarǵa joldandy, olardyń 54-i boıynsha qyzmetti toqtata turý týraly sheshim qabyldandy. Bıylǵy jyly karantındi buzýshylarǵa qatysty barlyǵy 4409 hattama toltyryldy. Olardyń ishinde zańdy tulǵalarǵa 402 jáne jeke tulǵalarǵa 4007 hattama toltyryldy.