Qalamyzdyń iri saýda oryndarynda ashylǵan vaksına pýnktterinde turǵyndardy yntalandyrý men syılyq taratý jalǵasyp jatyr.
Sputnik Mall SOSO, Car City saýda kesheni men Almaty qalasynyń Tıgrohaýd saýda úıinde vaksına alǵandar arasynda júldeli utys oıyndary aıaqtaldy. İs-sharaǵa Áýezov aýdany ákimdiginiń qoldaýymen kásipkerler bastamashylyq etti, dep habarlaıdy Almaty-akshamy.kz ákimdiktiń baspasóz qyzmetine silteme jasap.
Aksıany uıymdastyrýshylardyń aıtýynsha, utys oıyndary «vaksına al da – syılyq al» uranymen ótti.
«Almaty qalasy uzaq ýaqyt «qyzyl» aımaqta boldy, biz adamdardy vaksınamen qamtý kerek dep sheshtik. Ujymdyq ımýnıtetti qalyptastyrý bizdiń ortaq múddemiz. Úsh saýda-oıyn-saýyq ortalyǵy men saýda úıi ákimshiliginiń ókilderi bul ıdeıany qoldap, utys oıynyn ótkizýge kómektesti», - dep habarlady Áýezov aýdany ákimdigi.
Sputnik Mall SOSO-da turmystyq tehnıka men uıaly telefon oınatyldy. Jeńimpazdardyń biri almatylyq Anastasıa Soloveva boldy. Anastasıa Ksáomı Redmı nota 9 uıaly telefonyn jeńip aldy.
«Men vaksına alýǵa keldim, utys oıyny jaıly bilmedim. Men úshin júldeni jeńip alý kútpegen jerden boldy. Ujymǵa alǵys bildiremin», - dep Anastasıa óz áserimen bólisti.
Car City SK men Tıgrohaýd SÚ vaksına alǵan qala turǵyndary elektrosamokat, uıaly telefondar, symsyz qulaqqaptar, mıkrotolqyndy peshter, shańsorǵyshtar, útikter, fender, elektr sháınekteri, avtobólshekter, avto aksesýarlar, kınoteatrǵa bıletter utyp aldy.
Aıta ketsek, Qoǵamdyq densaýlyq basqarmasynyń málimetinshe, búgingi tańda Almatyda 316 407 adam ekpe aldy. Almatylyqtar úsh vaksınanyń birin tańdaı alady: Spýtnık-V, QazVac, Hayat-Vax.
Medısınalyq uıymdarda, mektepterde, mádenıet, sport obektilerinde, bazarlar men SOSO-da (250-ge deıin ulǵaıtý múmkindigimen) 211 vaksına pýnkti jumys isteıdi. 1 257 adamnan 304 ekpe brıgadalary bar.