Koronavırýspen aýyryp jatqandardyń 35%-y - 20 men 40 jas aralyǵyndaǵy azamattar.
KVI-men aýyratyndardyń 32%-y - jumys istemeıtin almatylyqtar, dep habarlaıdy Almaty-akshamy.kz.
Vırýs juqtyrý kórsetkishi otbasylyq is-sharalarǵa qatysý kezinde juqtyrý 2,1%-ǵa, qoǵamdyq kólikte 1,7%-ǵa jáne saýda oıyn-saýyq ortalyqtary, saýda úıleri jáne basqa da saýda ortalyqtarynda 0,7%-ǵa, demalys saıabaqtarynda, jaıaý júrginshiler kóshelerinde 0,2%-ǵa óskeni nazar aýdarýǵa turarlyq.
Azamattardyń koronavırýs juqtyrýy qoǵamdyq tamaqtaný obektilerinde (asqana úlgisindegi obektiler esebinen), bankterde, poshtalarda, halyqqa qyzmet kórsetý ortalyqtarynda (0,1%-ǵa) azdap ósti. ASHYQ jobasyna qatysýshy obektilerde juqtyrý jaǵdaılary tirkelmegen, onda tek jasyl jáne kók mártebesi bar adamdarǵa ǵana kirýge ruqsat etilgen.
KVI-men aýyratyn naýqastardyń jas sanattary: sońǵy 2 aptanyń derekteri boıynsha negizinen 20-dan 40 jasqa deıingi azamattar – 35% jáne 40-tan 60 jasqa deıingi azamattar - 26%, olar kóbinese ekpe alǵysy kelmeıdi. Bul rette aldyńǵy aptada 40-60 jas arasyndaǵy azamattar belsendi túrde ekpe alýdy bastaǵan. Sondaı-aq 60 jastan asqan adamdar arasynda syrqattaný 1%-ǵa tómendegen.
Jumyssyz turǵyndar arasynda KVI-diń eń kóp tirkelgen – 32%, túrli JSHS, JK, AQ qyzmetkerleri – 22%, zeınetkerler – 19%, oqýshylar – 7% jáne mektep jasyna deıingi balalar – 5%. Halyqtyń atalǵan sanattarynyń jalpy úlesi 85%-dy quraıdy.