«Mektep avtobýsy» jobasy Almatyda keńeıe túspek. ÓKQ alańynda ótken brıfıńke qatysqan Almaty ákiminiń orynbasary Ásem Núsipova jańa oqý jylynda 200 avtobýs kúndelikti 14 myńnan astam oqýshyny tasymaldaıtynyn aıtty, dep habarlaıdy aqshamnews.kz.
«Mektep avtobýsy» jobasy 2023 jyly bastalǵan, ol kezde 6,1 mlrd teńgege 100 avtobýs satyp alynǵan. Bıyl 6 myńnan astam balany qamtıtyn 23 mektepke taǵy 100 avtobýs satyp alynýda.
«Bul balalardyń qaýipsizdigin arttyrýǵa jáne jol qozǵalysyna túsetin júktemeni azaıtýǵa baǵyttalǵan mańyzdy joba», – dep atap ótti Ásem Núsipova.
Tasymaldaýǵa barlyǵy 2,5 mlrd teńge bólindi.