Kúdiktini qylmystyq jaýapkershilikke tartý úshin aldyrǵan.
Qazaqstan Respýblıkasy Bas prokýratýrasynyń jáne İshki ister mınıstrliginiń Interpol qyzmetkerleri Qazaqstan Respýblıkasynyń Polsha Respýblıkasyndaǵy Elshiliginiń kómegimen alkogóldik masań kúıde Jol qozǵalysy erejelerin buzǵany úshin qylmystyq jaýapkershilikke tartý maqsatynda Polshadan Grýzıa azamatyn ekstradısıalady, dep habarlaıdy aqshamnews.kz Bas prokýratýranyń baspasóz qyzmetine silteme jasap.
Kúdikti 2023 jyly Almaty qalasynda alkogóldik masań kúıde kólik júrgizip kele jatyp, qarsy jolaqqa shyǵyp ketken, nátıjesinde basqa kólikpen soqtyǵysyp, júrgizýshiniń densaýlyǵyna aýyr zıan keltirdi.
Qylmys jasaǵannan keıin kúdikti jasyrynyp, halyqaralyq izdeýge jarıalanǵan.
Aǵymdaǵy jyldyń sáýir aıynda ol Polshada ustaldy.
Qazaqstan Respýblıkasy Bas prokýratýrasynyń suraýy boıynsha kúdikti Qazaqstanǵa ekstradısıalanyp, qazir tergeý ızolátoryna qamaldy.
Aıyptalyp otyrǵan qylmys úshin on jyl merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, úsh jylǵa deıingi merzimge bas bostandyǵynan aıyrý túrindegi jaza kózdelgen.
Aıta ketý kerek, Polsha Respýblıkasymen ekstradısıalaý týraly kelisimniń joqtyǵyna qaramastan, kúdiktini ekstradısıalaý Qazaqstannyń Bas prokýratýrasy men Polsha Ádilet mınıstrliginiń arasyndaǵy tyǵyz yntymaqtastyqtyń arqasynda múmkin boldy.
Sonymen qatar aǵymdaǵy jyly Polsha tarabynan Qazaqstan aýmaǵynda asa iri kólemde esirtki bıznesimen aınalysqan transulttyq uıymdasqan toptyń uıymdastyrýshysy Qazaqstanǵa ekstradısıalandy.