Almatyda jeńil relsti kóliktiń birinshi jelisi 2027 jyly iske qosylady. Bul týraly «Qalany damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalaryn» bekitý boıynsha máslıhattyń kezekten tys sesıasynda ákim orynbasary Asqar Amrın aıtty, dep habarlaıdy Almaty-akshamy.kz.
Spıkerdiń sózinshe, álemniń iri qalalarynda azamattar negizinen júrdek kólik – metro, LRT, BRT júredi. Avtobýs, velosıped, samokat qysqa qashyqtyqqa júrý úshin qoldanylady.
«2025 jylǵa deıin qoldanystaǵy BRT jelisi «Shyǵys qaqpasy» polıortalyǵyna deıin uzartylyp, Raıymbek dańǵyly boıymen jańa BRT jelisi iske qosylady. 2025 jyly Qalqaman metro stansasy paıdalanýǵa berilip, batys baǵyttaǵy kelesi úsh stansanyń qurylysy bastalady. 2027 jylǵa qaraı Tóle bı kóshesiniń boıynda júrdek jeńil relsti joldyń birinshi jelisin iske qosamyz», - dedi ákim orynbasary.
Sonymen qatar ol arnaıy jolaqtardy engizý jáne ıntellektýaldy kólik júıesin damytý arqyly avtobýstar men troleıbýstardyń sany artatynyn tilge tıek etti.
LRT jelisiniń qurylysy 2020 jylǵa josparlanǵan bolatyn. Jobanyń ınvestısıalyq quny – 94 203 mln teńge.