Túrksib aýdany turǵyndarymen kzedesýde oqý orny tapshylyǵy máselesi sóz boldy.
Búgin Almaty qalasy ákiminiń mindetin atqarýshy Erbolat Dosaev Túrksib aýdany turǵyndarymen kezdesti, dep habarlaıdy Almaty-akshamy.kz.
2022 jyldyń jeltoqsan aıynda mekteptiń qýatyn 900 oqýshy ornyna deıin arttyratyn № 59-shy mektep-gımnazıa ǵımaratyna (Saýranbaev kóshesi boıynda) qosymsha qurylysty sala otyryp, rekonstrýksıalaý bastalady.
«Buryn aıtqanymdaı, kelesi jyly 1050 oryndyq eki qosymsha qurylys (№195 - 450 oryn, №198 - 600 oryn) júrgizýdi bastaımyz. Qazir jobalaý-smetalyq qujattamasy ázirlenip jatyr. 2023 jyldyń maýsym aıynda aıaqtalady», - dedi Almaty qalasy ákiminiń mindetin atqarýshy E.Dosaev.
Sondaı-aq mektepke deıingi uıymdardy jóndeý jáne salý jumystary sheńberinde №70 arnaıy bóbekjaı-balabaqsha ǵımaratyn seısmıkalyq kúsheıtý jalǵasýda, jumystar 2023 jyldyń naýryz aıynda aıaqtalady.
Qurylys materıaldary baǵasynyń qymbattaýyna, jumysyn adal atqarmaıtyn merdigerlerdiń kóbeıýine baılanysty "Jas Qanat" shaǵynaýdanyndaǵy 280 oryndyq balabaqshany salý jumystary toqtatyldy. Qurylysty 2023 jyldyń İİI toqsanynda bastaý josparlanǵan.
2023 jyldyń qańtar aıynda «Qaırat» shaǵynaýdanynda 260 oryndyq balabaqshanyń qurylysy bastalady.