Energetıka vıse-mınıstri Suńǵat Esimhanov Úkimet otyrysynda málimdeýinshe, Almatydaǵy jylý elektr ortalyǵyn gazǵa aýystyrý jumystary 2026 jyly jeltoqsanda máresine jetedi, dep habarlaıdy aqshamnews.kz
Jobanyń aıaqtalýy keshiktirilmeıdi dep josparlap otyr. Memleket basshysynyń tapsyrmasy bar, soǵan sáıkes merzimi saqtalýy kerek, - dep atap ótti vıse-mınıstr.
Almaty JEO gazǵa aýystyrý jobasy erekshe baqylaýda ekeni aıtaldy. Nysandaǵy jumystar josparǵa sáıkes júrgizilip jatyr. Jabdyqtardyń bir bóligi jetkizilip, alǵashqy týrbınageneratorlardyń montajy júrgizilýde.
Kelesi jyldyń alǵashqy jartyjyldyǵynda iske qosý sharalary oryndalady. Odan keıin negizgi jabdyqtardy ornatýdyń belsendi satysy bastalady.
Aıta keteıik, stansıanyń gazǵa aýysýy Almatynyń ekologıasyn jaqsartýdaǵy negizgi qadamdardyń biri retinde qarastyrylyp otyr.
Sondaı-aq eldiń ońtústik óńirlerin senimdi elektrmen jabdyqtaýdy qamtamasyz etýdiń bir tásili retinde qolǵa alynǵan.