Almatydaǵy jappaı tártipsizdik kezinde emdeý mekemelerine 1200-den astam adam júgindi. Bul týraly onlaın brıfıń barysynda qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazıeva aıtty, dep habarlaıdy Almaty-akshamy.kz
«Tártipsizdik kezinde Almaty aýrýhanalaryna 1256 adam júgindi, onyń 506-sy aýrýhanaǵa jatqyzyldy. Olardyń basym bóligi emdeý mekemelerine "jedel járdem" kólikterimen jetkizildi. Barlyǵyna qajetti medısınalyq kómek kórsetildi. Qazir aýrýhanalarda em qabyldap jatqan 33 naýqas bar», - dedi qalalyq qoǵamdyq densaýlyq saqtaý basqarmasy basshysynyń orynbasary.
Sonymen qatar, ol keıbir naýqastar áskerı gospıtáldarǵa aýystyrylǵanyn tilge tıek etti.
«Aıta keteıik, Almaty qalalyq polısıa departamenti qańtar oqıǵasyna qatysty tergeý jumystaryn jalǵastyrýda. Sotqa deıingi tergep-tekserýdiń biryńǵaı tizilimine búgingi tańda 1481 qylmystyq is tirkeldi», - dedi Svetlana Sultanǵazıeva.