Bul týraly Ortalyq komýnıkasıalar qyzmetiniń alańynda ótken baspasóz máslıhaty barysynda DSM sanıtarlyq-epıdemıologıalyq baqylaý komıtetiniń tóraǵaıymy Aıjan Esmaǵambetova aıtyp berdi, dep habarlaıdy Almaty-akshamy.kz
Onyń aıtýynsha, koronavırýs ınfeksıasynyń sharyqtaý shegine jetetin kezeńi áli alda.
Biz únemi epıdemıologıalyq jaǵdaıdy únemi baqylaýda ustap, zertteýler júrgizip otyramyz. Sońǵy boljam boıynsha, indet aqpan aıynyń ortasynda sharyqtaý shegine jetedi, - dep atap ótti vedomstvo basshysy.
Sonymen qatar ol koronavırýs ınfeksıasynyń «omıkron» nusqasynyń aınalymy men taralýynan týyndaǵan aýrý ósýi álemniń barlyq elinde baıqalyp otyrǵanyn alǵa tartty.
Jyl basynan beri respýblıkada 178 myńnan astam adam koronavırýs ınfeksıasymen aýyrdy. Pandemıanyń búkil kezeńimen salystyrǵanda, alǵash ret jaǵdaıdyń táýliktik tirkelýi 16 myńnan asty. Bul «omıkronnyń» óte joǵary juqpalyǵyna jáne taralý jyldamdyǵyna baılanysty. Búgingi tańda Túrkistan oblysynan basqa búkil el «qyzyl» aımaqta ornalasqan. Respýblıka boıynsha sońǵy aptada KVI syrqattaný deńgeıi 1,5 ese ósti. Qańtar aıynda, jeltoqsanmen salystyrǵanda, syrqattanýshylyq 11 esege ósti, - dedi Komıtet tóraıymy.