Almatyda «Qorǵaý – Qaýipti júrgizýshi» júıesimen jalǵan nómir taqqan júrgizýshi anyqtaldy.
Kórsetilgen avtomattandyrylǵan júıeniń obektıvine Tóle bı dańǵylymen shyǵys baǵytta kele jatqan Audi kóligi tústi, dep habarlaıdy Almaty-akshamy.kz Polisia.kz-ke silteme jasap.
Sheteldik kólikte ol jalǵan memlekettik tirkeý nómirin anyqtady.
«Baızaqov kóshesimen bir deńgeıde bul kólikti patrúldik polısıa ekıpajy toqtatty. Birden úsh jol qozǵalysy erejesin óreskel buzý deregi anyqtaldy. Atap aıtqanda, kólik quralyna jalǵan nemese jasalǵan memlekettik tirkeý nómirlerin ornatý, jalǵan nemese jasalǵan memlekettik tirkeý nómirleri bar kólik quralyn júrgizý, kólik quralynyń aldyńǵy jaǵyna qyzyl tústi ottary bar jaryq qurylǵylaryn nemese qyzyl tústi keri shaǵylysatyn qurylǵylardy, sondaı-aq jaryqtandyrý qurylǵylarynyń túsi men jumys rejımi kólik quraldaryn paıdalanýǵa ruqsat berý talaptaryna sáıkes kelmeıtin jaryqtandyrý qurylǵylaryn ornatýy. Júrgizýshi kólik basqarýdan shettetildi. Kólik mamandandyrylǵan aıyppul turaǵyna qoıyldy», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Almaty polısıasy jalǵan memlekettik nómir taqqan, kólikterge arnaıy belgi beretin qurylǵylar ornatqan, kólikti mas kúıinde basqarǵan jáne basqa da quqyq buzýshylyqtardy jasaǵan kólik júrgizýshilerin jaýapkershilikke tartý boıynsha maqsatty jumys jalǵasyp jatqanyn eske salady.