Almatyda mereıtoılyq HH Halyqaralyq Jáýtikov olımpıadasy bastaldy
2024 jylǵy 8-13 qańtar aralyǵynda Almatyda O. Jáýtikov atyndaǵy Respýblıkalyq mamandandyrylǵan fızıka-matematıka orta mektep-ınternaty bazasynda Bilim jáne ǵylym mınıstrliginiń jáne qala ákimdiginiń qoldaýymen daryndy balalarǵa arnalǵan HH Halyqaralyq Jáýtikov olımpıadasy ótip jatyr, dep habarlaıdy almaty-akshamy.kz.
Olıpıada úsh buryn onlaın formatta ótse, bıyl oflaın formatta ótip jatyr. Olımpıada aıasynda dástúrli túrde fızıka-matematıkalyq baǵyttaǵy mamandandyrylǵan mektepter arasynda úsh pán boıynsha baıqaý ótkiziledi. Munyń basqa halyqaralyq olımpıadadan ereksheligi osynda jáne jastardyń zıatkerlik áleýetin damytý úshin osy ǵylymı pánderdiń mańyzyn kórsetedi. Jarys eki kezeńnen turady – teorıalyq jáne tájirıbelik turǵyda qatysýshylar tapsyrmalar oryndaıdy. Olımpıadanyń qorytyndysy ár pán boıynsha jeke esepte shyǵarylady.
«Jáýtikov atyndaǵy olımpıadanyń aýqymy men keńinen tanylýy Almaty úshin mańyzdy oqıǵaǵa aınaldy. Myqty fızıka-matematıka mektebimen tanymal qalamyzdyń oqýshylarynyń jeńisi men jetistigin maqtan tutamyz. Jáýtikov olımpıadasynyń jeńimpazdary men júldegerleri Qazaqstan men shetelderde zor jetistikke qol jetkizip keledi. Olar MIT, KAIST, Iel, Kembrıdj syndy álemdegi eń bedeldi ýnıversıtetterdiń stýdentteri», - dedi Almaty ákimi Erbolat Dosaev olımpıadanyń ashylý saltanatynda.
Sondaı-qa, qala ákimi Almatyda Halyqaralyq Jáýtikov olımpıadasyn ótkizý ıgi dástúrge aınalǵanyn aıtty. 2005 jyly alǵash ret ótkizilgen kezde 5 memleketten 189 oqýshy qatysqan edi. Bıyl olımpıadaǵa Qazaqstan, Ázirbaıjan, Armenıa, Belarýs, Reseı, Qyrǵyzstan, Ózbekstan, Bolgarıa, Tájikstan, Mońǵolıa, Grýzıa, Serbıa, Úndistan jáne Rýmynıany qosqanda, álemniń 16 elinen 600-ge jýyq qatysýshy, 85 komanda qatysady.
Olımpıadanyń qorytyndysy boıynsha jeke reıtıń, sonymen birge, mamandandyrylǵan mektepterdiń myqty komandalarynyń reıtıńi shyǵarylady. Olımpıadanyń jeńimpazdary men júldegerlerine baǵaly syılyqtar beriledi. Buǵan qosa, jeńimpazdarǵa syılyqtar men bilim berý granttary qarastyrylǵan.
