Olardyń pikirinshe, partıa barlyq reformalardyń uıytqysy bolýy kerek.
Almatydaǵy etnomádenı birlestikterdiń ókilderi bılik partıasy óz jumysyn qoǵam suranysyna saı qaıta qurady degen oıda, dep habarlaıdy Almaty-akshamy.kz.
1 naýryz - Alǵys aıtý kúni jáne partıanyń qurylǵan kúni kezekten tys sıez ótti. Bul shara uıymdy jańǵyrtý máselelerine arnaldy. Al Almatydaǵy qalalyq uıǵyr mádenı ortalyǵynyń ókilderi Memleket basshysy qoǵamǵa qajetti kóptegen bastamalardy kóterip otyr dep esepteıdi.
«Almaty qalalyq uıǵyr mádenı ortalyǵy» qoǵamdyq birlestigi tóraǵasynyń orynbasary Mahınur Israılova partıa barlyq reformalardyń uıytqysy bolýy kerek dep sanaıdy.
- Men qoǵam qaıratkeri jáne Almaty qalasy QHA múshesi retinde bul bastamany qoldaımyn jáne bul partıanyń jańa tabystary men jetistikteriniń bastaýy bolady dep esepteımin. Erlan Qoshanovtyń: «Uıym qyzmetin jańa maǵynamen tolyqtyrý úshin qajetti ózgeristerdi engizý kerek. Osyǵan baılanysty partıa ataýyn ózgertýdi durys dep sanaımyz. Qazaqstannyń bılik partıasyna ata-babamyzǵa taǵzym retinde Amanat ataýyn berýimiz kerek» degen pikirimen kelisemin, - deıdi Mahınur Israılova.
Onyń áriptesi, «Almaty qalalyq uıǵyr mádenı ortalyǵy» qoǵamdyq birlestigi tóraǵasynyń orynbasary Murat Hızmetov partıa jumysy, onyń baǵyttary men ustanymdary qoǵam suranysyna saı qaıta qurylady dep esepteıdi.
Ol sondaı-aq partıany qaıta qurý boıynsha aıtylǵan usynystardy qoldap otyr. Sonymen qatar Murat Hızmetov Prezıdent usynǵan ıdeıalar men usynystardy jınaqtaý boıynsha respýblıkalyq aksıa uıymdastyrý arqyly árbir qazaqstandyqqa jalpyulttyq kún tártibin qalyptastyrýǵa, atsalysýǵa múmkindik beredi degen pikirde.