Bastamalarymyz sátti bolǵaı!
Nur Otan partıasy Alataý aýdandyq fılıaly tóraǵasynyń birinshi orynbasary Jarqyn Aldambergenqyzy partıaǵa júktelgen jaýapkershilik týraly aıtty, dep habarlaıdy Almaty-akshamy.kz.
«Búgin, 1 naýryz - partıanyń qurylǵan kúni. Osy aıtýly kún qarsańynda Nur Otan partıasynyń kezekten tys HHİİ sezi ótti. Men sol sezge delegat retinde qatystym. Memleket basshysynyń sıezi qysqa ýaqyt aralyǵynda ótkizý týraly bul sheshimi memleket aldynda turǵan qazirgi zamanǵy syn-qaterlerge bergen jaýaby sekildi boldy dep oılaımyn. Sebebi, bul eń aldymen Prezıdenttiń eldegi oqıǵalardan qalys qalmaı, saıası bastamalardyń negizgi kózi ekenin taǵy bir dáleldeıtindeı. Esterińizge sala ketsem, ústimizdegi jylǵy 28 qańtarynda ótken sıeze sóılegen sózinde Memleket basshysy saıası elıtany ǵana emes, búkil halyqty judyryqtaı jumylýǵa shaqyrǵan bolatyn. Alaıda bul onyń tóńireginde ǵana jınalý emes, «Jańa Qazaqstan» tujyrymdamasy aıasynda toptasýdy bildiredi»,- deıdi Jarqyn Aldambergenqyzy
Onyń pikirinshe, bul tujyrymdamanyń negizgi baǵyttarynyń biri - jańartylǵan partıa bolmaq. Onyń kórinisi búgingi partıanyń sezinde baıqaldy, partıany qaıta jańǵyrtý baǵdarlamasyn usyndy, ıaǵnı partıany modernızasıalaýdaǵy jeti basymdylyq naqtylandy:
Halyqpen keri baılanys jasaý quraldarynyń tıimdiligin arttyrý;
Partıalastar arasyndaǵy yntymaqtyqty nyǵaıtý;
Partıanyń jumysyndaǵy ashyqtyqty arttyrý;
Partıalyq baqylaýdy kúsheıtý;
Partıanyń baǵdarlamalyq qujattaryn qaıta qaraý;
Halyqtyń ár túrli toptarymen naqty jumystar júrgizý;
Jas Otan Jastar qanatynyń jumysyn jetildirý.
«Jańa Qazaqstannyń damýy jaǵdaıynda elimizdiń jetekshi saıası partıasynyń birligi men uıymdastyrýshylyq áleýetin kórsetti dep oılaımyn. Búgingi tańda bizdiń elimiz ben partıamyz óziniń tarıhyndaǵy jańa kezeńine aıaq basqaly tur. Bul Jańa Qazaqstandy qurý jolyndaǵy jańarǵan partıamyzǵa júktelgen úlken jaýapkershilik jáne zor senim dep bilemin. Bastamalarymyz sátti bolǵaı! Elimizdiń irgesi berik bolǵaı!» - dedi Nur Otan partıasy Alataý aýdandyq fılıaly tóraǵasynyń birinshi orynbasary Jarqyn Aldambergenqyzy.