Olar tabandylyq tanytyp, shydamdylyqtaryn shyńdady.
Qazaqstan Qarýly Kúshteriniń Taýdaǵy daıarlyq ortalyǵynda alpilik jáne barlaý bólimsheleri áskerı qyzmetshilerimen oqý-ádistemelik jıyndar ótti, dep habarlaıdy Almaty-akshamy.kz.
«Qarýly Kúshterde jaýyngerlik oqý sharalary Memleket basshysynyń áskerdiń jaýyngerlik qabiletin túbegeıli arttyrý jónindegi tapsyrmasyn iske asyrý sheńberinde júrgizilý ústinde»,- delingen Qorǵanys mınıstrliginiń baspasóz qyzmetiniń habarlamasynda.
Jıynnyń negizgi maqsaty – taý kedergilerin eńserý mashyqtaryn jetildirý, bıik taýlarda kúrdeli jaǵdaıda jaýyngerlik is-qımyldar júrgizýdiń taktıkalyq ádisteri men tásilderin oryndaý.
Osyndaı sabaqtar barysynda jeke quram taýdaǵy daıarlyq deńgeıin jetildirip qana qoımaı, oqý-jaýyngerlik tapsyrmalardy oryndaý kezinde tózimdilikti, shydamdylyq pen tabandylyqty nyǵaıtady.
Birqatar áskerı qyzmetshiler taý daıarlyǵynan nusqaýshy retinde biliktiligin arttyryp, álpınızm boıynsha úshinshi jáne ekinshi razrádtardyń normatıvterin oryndady.
Jıyndy qorytyndylaǵan Arnaıy operasıalar kúshteriniń qolbasshysy, polkovnık Bolat Jorabaev jeke quramnyń oqý baǵdarlamasyn sátti oryndaǵanyn atap ótip, áskerı álpınıserge sertıfıkattar men tósbelgilerdi tabys etti.
