Laýra Myrzaǵalı tártiptik jaýapqa tartyldy.
Almaty qalasynyń Ádep jónindegi keńestiń sheshimimen Almaty qalalyq Qoǵamdyq densaýlyq saqtaý departamenti basshysynyń orynbasary Laýra Myrzaǵalı tártiptik jaýapqa tartylyp, memlekettik qyzmetten bosatyldy, dep habarlaıdy Almaty-akshamy.kz.
«Almaty qalasynyń Ádep jónindegi keńestiń sheshimimen memlekettik qyzmet bedeline nuqsan keltiretin teris qylyǵy úshin Almaty qalasynyń Qoǵamdyq densaýlyq saqtaý departamenti basshysynyń orynbasary Laýra Myrzaǵalı tártiptik jaýapqa tartyldy (memlekettik qyzmetke úsh jyl ishinde jumysqa kirýge tyıym salynady) jáne qazirgi ýaqytta memlekettik qyzmetten bosatyldy», - delingen qalalyq ákimdiktiń baspasóz qyzmetiniń habarlamasynda.
Buǵan deıin áleýmettik jelilerde Almaty qalalyq qoǵamdyq densaýlyq saqtaý basqarmasy basshysynyń orynbasary qyzmetkermen syıaqy týraly sóz talastyrǵan vıdeo paıda bolǵan edi. Keıin Memlekettik qyzmet isteri agenttiginiń Almaty qalasy boıynsha departamenti dáriger Laýra Myrzaǵalıǵa qatysty tekserý bastalǵanyn málim etken.