Aldaǵy ýaqytta qalanyń birneshe aýdanynda jańa mektep salynady.
Almaty búdjetinen bilim salasyna bólinetin qarajatqa qosymsha 14,3 mlrd teńge qarastyrylýda.Bul týraly Almaty ákimi Erbolat Dosaev máslıhat sesıasynda aıtty, dep habarlaıdy Almaty-akshamy.kz.
«Halyq sanynyń ósýi men oqýshy oryndarynyń tapshylyǵyn eskere otyryp, bilim berý salasynda qosymsha 14,3 mlrd teńge qarastyrylýda. Bul qarajat Naýryzbaı, Túrksib jáne Alataý aýdandarynda 7 500 oryndyq 5 mektep salýǵa (5,5 mlrd teńge), sondaı-aq 19 bilim berý obektisine (15 mektep, 4 balabaqsha) jobalaý-smetalyq qujattamany ázirleýge baǵyttalady», - dedi Erbolat Dosaev.
Sonymen qatar, ákimniń aıtýynsha, muǵalimderge ǵylymı dárejeleri, tálimgerlik, keshki ýaqytta jáne mektepke deıingi oqytý úshin qosymsha aqy tóleý (1,7 mlrd. teńge) arqyly pedagogterge qoldaý kórsetiledi.
«Óıtkeni bul shyǵyndar qazirgi jan basyna qarjylandyrý shyǵystaryna kirmeıdi. Budan basqa, memlekettik bilim berý uıymdarynyń jylý boıynsha bereshegin óteý úshin biz 2 mlrd teńgeni komýnaldyq qyzmetterdiń aqysyn tóleýge jiberemiz»,- dedi qala ákimi.