Qala ákimi 4,5 mlrd teńge qarastyryp otyrǵanyn aıtty.
Almaty balalary bos ýaqytyn tıimdi paıdalanyp keledi. Memleket basshysynyń tapsyrmasy boıynsha Almatyda 44 myńnan astam bala 594 sport seksıasyna tegin barady. Bir ýaqytta 56 myń bala 1 179 shyǵarmashylyq úıirmege qatysady. Bul týraly Almaty ákimi Erbolat Dosaev máslıhat otyrysy barysynda aıtty, dep habarlaıdy Almaty-akshamy.kz.
«Bul bastamany almatylyqtar jaqsy baǵalap otyrǵanyn aıta ketý qajet. «Ótinishter legi» óte kóp. Bul 2,6 mlrd teńge somasyna kredıttik bereshektiń qalyptasýyna sebep boldy (1,7 mlrd tg. – sport,900 mln. tg. - mádenıet). Osyǵan baılanysty, El Prezıdentiniń tapsyrmasyn oryndaý maqsatynda biz qosymsha 4,5 mlrd teńge qarastyryp otyrmyz. Onyń 3 mlrd teńgesi sport seksıalaryna jáne 1,5 mlrd teńgesi shyǵarmashylyq úıirmelerge bólinedi», - dedi qala ákimi.
Bul rette, ARTSPORTEDU.KZ baǵdarlamasynyń ózinde balalardyń, ónim berýshilerdiń derekterin tekserýge, memlekettik organdardyń derekter bazasymen tolyq ıntegrasıanyń bolmaýyna baılanysty problemalar bar.