Qalada ótken bos jumys oryndar jármeńkesinde 87 adamǵa joldama berildi.
Almatyda probasıa esebinde turǵan azamattar jumyspen qamtylyp jatyr, dep habarlaıdy Almaty-akshamy.kz Almaty.tv silteme jasap.
Alataý aýdanynda ótken bos jumys oryndar jármeńkesinde 87 adamǵa joldama berildi. Oǵan 19 kásiporyn men uıymdar qatysty. Sharany ótkizýdegi maqsat – probasıalyq baqylaýda júrgen azamattarǵa áleýmettik kómek kórsetý.
«Qazir esepte 520 adam tur. Olardyń 80 paıyzy jármeńkege qatysty. Baqylaýdaǵy azmattardyń durys jolǵa túsýine yqpal etý maqsatynda osy sharany uıymdastyrdyq. Jumys nátıjeli bolady dep senemin», – dedi Alataý aýdany prokýratýrasynyń bólim prokýrory Aıbar Qazezov.
«Ózimniń negizgi mamandyǵym – dánekerleýshi. Sol boıynsha jumys taptym. Alla qalasa jumysqa shyǵamyz degen oıdamyz», – dedi Ádil Imanǵalıev.