Almatydaǵy “baraholkada” veıp satatyn oryn joıyldy.
Ony 42 jastaǵy jeke kásipker uıymdastyrǵan. Ol zań talabyn elemeı, bul kásipti jasyryn júrgizýge sheshim qabyldaǵan, dep habarlaıdy aqshamnews.kz Polisia.kz-ke silteme jasap.
– Júrgizilgen jedel is-sharalar barysynda dúńgirshekte elektrondy temekiniń zańsyz aınalymy deregi anyqtaldy. 3 myń veıp tabyldy jáne tárkilendi. Atalǵan derek boıynsha Jetisý aýdandyq polısıa basqarmasy sotqa deıingi tergeý amaldaryn bastady. Zattaı aıǵaqtar qylmystyq is materıaldaryna qosyldy, – dedi Almaty qalalyq PD ekstremızmge qarsy kúres basqarmasynyń bastyǵy Asqat Dáýletıarov.
Esterińizge sala keteıik, 2024 jyldyń 20 maýsymynda Qazaqstanda veıpterdi satýǵa tyıym salatyn zań normalary kúshine endi. Qazaqstan Respýblıkasynyń Qylmystyq kodeksine 301-1-bab (Shegilmeıtin temeki buıymdarynyń, elektrondyq tutyný júıeleriniń (veıpterdiń), olarǵa arnalǵan hosh ıistendirgishter men suıyqtyqtardyń aınalymy) qosyldy.