Almaty qalasy Qylmystyq-atqarý júıesi departamentine qarasty №11 mekemede jazaly jasóspirimder de Naýryz meıramyn atap ótti. Naýryznama onkúndigi aıasynda mekeme aýmaǵynda merekelik is-sharalar uıymdastyryldy, dep habarlaıdy aqshamnews.kz
Mekeme ishindegi mektep ustazdary bas bostandyǵynan aıyrylsa da, bilim alyp jatqan oqýshylarǵa «Kórisý kúni», «Qaıyrymdylyq kúni» jáne «Ulttyq kıimder kúni» sıaqty ataýly kúnderdiń mán-maǵynasy túsindirildi. Slaıdtar, ár túrli kórnekti quraldar men materıaldar arqyly ultymyzdyń qaıta jańǵyryp jatqan ádet-ǵuryptary men salt-dástúrlerinen mol málimetter berildi.
Mekeme qyzmetkerleri jáne tárbıeshi-mamandardyń jetekshiligimen jazaly balalar Jańarý kúninde aǵashtardyń túbin qopsytyp, aınalany tazalap, Ulttyq oıyndar kúninde sporttyq is-sharalarǵa belsene qatysty.
Jambyl atyndaǵy qalalyq jasópirimder kitaphanasynyń qyzmetkerleri kitaptar kórmesin uıymdastyrdy. Arnaıy qonaq bolyp kelgen ónerpazdar jasóspirimderge án-jyrdan shashý shashyp, merekelik kóńil kúı syılady.