Sapa men syndy kúsheıtý ımportqa táýeldilikti azaıtpaq
Almatydaǵy azyq-túlik qaýipsizdiginiń áleýeti artady. Megapolısten bólek, jaqyn óńirlerdi de kókónis, jemis-jıdekpen qamtyp otyrǵan bazardaǵy jabaıy saýdanyń kózi joıylyp, jabyq pavılondarǵa aýysyp jatyr. Bul birinshi kezekte tutynýshylarǵa yńǵaıly, ekinshiden iship-jemniń sapasy artady, dep habarlaıdy Almaty-akshamy.kz Almaty.tv-ge silteme jasap.
Dalada taýaryn satyp, nápáqasyn taýyp júrgen kásipkerler jabyq pavılonǵa kóshkenge dán rıza. Bólshekten bólek, kóterme saýdamen de aınalysatyn olar, endigide taýar sapasyn saqtaý da áldeqaıda jeńil bolady dep máz. Kúnniń sýyǵynda tońyp, shań-tozań shambaıymyzǵa tımeıtin boldy, - deıdi kópshilik.
«Biz osyǵan deıin bazardyń syrtyńda jumys istedik. Qazir mine jańa pavılon salyp bergenderine qýanyshtymyz», – dedi saýdager Batyrhan Botabaev.
«Buryn syrtqy bazarda turǵanbyz.Bizde zattar arzan. Arnaıy qoımamyz bar. Sodan alyp, satamyz», – dedi saýdger Birlik Qaster.
Syrttaǵy saýda oryndaryn arnaıy pavılonǵa kirgizý saýdagerlerden bólek, bazar basshylyǵyna da tıimdi. Óıtkeni, kópke arnap qolaıly oryn salý – kásipkerlerlikti júıeli júrgizýge septigin tıgizedi ári jańa jumys oryndarynyń ashylýyna jaǵdaı jasaıdy. Mundaı tájirıbe Almatydaǵy saýda oryndarynda da iske qosylǵan bolatyn.
«Syrtynda turǵandardyń bári osy jerge keletin bolady. Syımaǵanyna úshinshi pavılon salynady», – dedi «Altyn Orda» saýda-logıstıkalyq ortalyǵynyń atqarýshy dırektory Ermek Marqabaev.
Atalǵan jumys nátıjesinde saýda orny 1000-ǵa jýyq adamdy jumyspen qamtyp otyr. Olar úshin azyq-túlik qaýipsizdigi asa mańyzdy deıdi bazar basshylyǵy. Óıtkeni, deldaldyqty joıý arqyly baǵany turaqtandyrýda qazir ózekti máselege aınalǵan. Al, sapa men syndy kúsheıtý ımportqa táýeldilikti azaıtpaq.