Bıyl – aıaýly ustaz tiri bolǵanda 80 jasqa tolar edi
Almatydaǵy Bilim-ınnovasıa qyzdar lıseıine ulaǵatty ustaz Shámshá Berkimbaevanyń esimi berildi, dep habarlaıdy Almaty-akshamy.kz Almaty.tv-ge silteme jasap.
Ol – biraz jyl Parlament Senatynyń depýtaty boldy. Bilim jáne ǵylym mınıstri qyzmetin atqaryp, elimizdiń oqý salasynda aýqymdy reformalardy júzege asyrý úshin súbeli úles qosqan. Bıyl – aıaýly ustaz tiri bolǵanda 80 jasqa tolar edi.
«Otandyq bilim berý júıesin damytý maqsatynda halyqaralyq tájirbıeni qoldaný arqyly elimizde 92-93 jyldary Qazaq-Túrik lıseıleri ashylǵan bolatyn. Sol lıseılerdiń biri – Almatydaǵy qyzdarǵa arnalǵan bilim-ınnovasıa lıseıi», – dedi «Bilim-ınnovasıa» qoǵamdyq qorynyń prezıdenti Darhan Ermahanuly.
Saltanatty jıynda muǵalimderge arnalǵan «Qadam» dep atalatyn kitaptyń tusaýy kesildi. Oqý-ádistemelik qural «Bilim-ınnovasıa» qoǵamdyq qorynyń uıytqy bolýymen jaryq kórgen. Týyndy oqýshylardyń bilim sapasyn arttyrý úshin baǵyttalǵan.
«Lıseıge Shámshá apaıdyń aty berilgenine qýanyshtymyn. Bul bizdiń mektebimizdiń tarıhynydaǵy óte úlken, mańyzdy shara. Bizdiń osy mektepte oqyp jatqan qyzdarymyz da Shámshá apaıymyz sekildi úlken qaıratker bolady degen senimdemiz», – dedi Sh. Berkimbaeva atyndaǵy bilim-ınnovasıa qyzdar lıseıiniń oqýshysy Ajarly Baqtybaı.