Onyń ishinde 50 bala emdelip jatyr.
Almatyda bir táýlikte 580 adam koronavırýs juqtyrdy. Onyń 534-i sımptomdyq belgilermen jáne 46-sy sımptomsyz, dep habarlady Almaty-akshamy.kz.
Jazylyp shyqqandar sany 160 bolsa, 72 adam aýrýhanaǵa jańadan tústi. 3 310 tósek-orny bar ınfeksıalyq stasıonarlarda 932 adam, onyń ishinde 50 bala emdelip jatyr. Jalpy reanımasıa jáne qarqyndy terapıa bólimshesinde 78 adam jatyr. 20 naýqas jasandy tynys alý apparatyna qosylǵan.
«Invazıvti emes jasandy tynys alý apparatynda 24 adam em qabyldaýdy jalǵastyrýda. High flow-da 18 apparat jumys isteıdi»,- delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.
Medısınalyq-sanıtarlyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 3 668 pasıent bar. Onyń ishinde jeńil jáne ortasha aýyr jaǵdaıda 3 431 naýqas, sımptomsyz 237 naýqas bar.