Negizgi maqsat – qaterli isik pen týberkýlezdiń aldyn alý
Búgin Almatynyń Dýman shaǵynaýdanyna qarasty №2 emhanada ashyq esik kúni ótti, dep habarlaıdy Almaty-akshamy.kz Almaty.tv-ge silteme jasap.
Negizgi maqsat – qaterli isik pen týberkýlezdiń aldyn alý. İs-sharada onkolog, onkodermatolog, onkogınekolog sekildi mamandar turǵyndardy tegin qabyldady. Dárigerlerdiń aıtýynsha, obyr aýrýy neǵurlym erte anyqtalsa, soǵurlym saýyǵý yqtımaldylyǵy joǵary bolady. Sondaı-aq, týberýlezdiń aldyn alý úshin arnaıy jyljymaly flúrografıa kóligi aldyryldy.
«Bul – yqshamaýdan halyqtyń eń kóp shoǵyrlanǵan jeri. Týberkýlez aýrýy basqa emhanalarǵa qaraǵanda osy emhanada kóp tirkelgen. Týberkýlez aýrýy ózderińiz biletindeı juqpaly aýrýǵa jatady», – dedi qalalyq №2 emhananyń balalar ftızıatory Álıa Áshimhanova.
«Men ózim kardıologka kirip shyqtym. Qabyldaýy sondaı jaqsy. Jaqsy iltıpatpen qabyldap jatyr. Kópbalaly analar, jaǵdaıy tómen otbasylar bar. Olarǵa da kómegin tıgizedi. Kerek bolsa ózderi baryp kómektesedi», – dedi qala turǵyny Meıramgúl Mysaqulova.