28 tamyzda pash etpek
Mýzykalyq keshtiń avtory – jahan jurtyna jaqsy tanys kompozıtor ári pıanıs Rahat – Bı Ábdisaǵın
Otandyq akademıalyq mýzyka áleminde jańa bastama! Almatynyń Jambyl atyndaǵy memlekettik fılarmonıasynda sımfonıalyq konsert ótedi, dep habarlaıdy Almaty-akshamy.kz Almaty.tv-ge silteme jasap.
Mýzykalyq keshtiń avtory – jahan jurtyna jaqsy tanys kompozıtor ári pıanıs Rahat – Bı Ábdisaǵın.
Mýzyka áleminde, ásirese sımfonıalyq mýzykada avtorlyq kesh ótkizý – sırek qubylys. Al zamanaýı akademıalyq kesh – tipten bólek áńgime. Almaty jurty jaqynda osy aıryqsha konserttiń kýási bolmaq. Onyń ereksheligi – avtordyń jańa kompozıtorlyq tehnıkalardy qoldana otyryp, oryndaýdyń tyń tásilderin usynýynda.
«Bul konsert zamanaýı akademıalyq mýzykanyń damyp jatqanyna dálel. 6 týyndyny oryndaımyn, onyń árqaısysy erekshe áser beredi. Zamanaýı mýzykadan Almatydaǵy aıryqsha konsert, degenmen bul áli bastamasy ǵana», – dedi kompozıtor Rahat-Bı Ábdisaǵın.
Konsertte roıál men organda oınaıtyn Rahat-Bıden bólek, Baıqadamov atyndaǵy hor kapelasy men Qazaqstannyń memlekettik akademıalyq sımfonıalyq orkestri óner kórsetedi. Tuǵyry bıik ónerdiń baǵasyn biletinder úshin shetelden keler qonaqtar da úlken syı bolmaq. Máselen, qos ǵasyrda qundy eńbek qaldyrǵan brıtandyq dırıjer Klement Paýer arnaıy keldi.
«Men Qazaqstannan, mundaǵy orkestrdiń jumysynan lázzat alamyn. Rasynda Rahat-Bıdiń óneri úshin keldim. Zamanaýı akademıalyq mýzykany jastardyń damytyp, jańa beleske kóterip jatqany unaıdy. Bul konsertte tylsym kúsh bar, kombınasıa kórinip tur», – dedi dırıjer Klement Paýer.
«Konsertti ózim júrgizemin. Júrgize otyryp, ár týyndynyń syryn ashamyn. Birneshe aspapta jeke oryndaýlarym da bolady. Al bul - qazaqstandyq orkestrdiń zamanaýı mýzykamen alǵashqy qaýyshýy», – dedi kompozıtor Rahat-Bı Ábdisaǵın.
Álemdik arenada ónerimen ataǵy shyqqan otandyq kompozıtor Rahat-Bı Ábdisaǵın qala jurtyna tamyzdyń 28-i konsert qoıady. Bıik ónerdiń usynaryn qalyń kópshilik Jambyl atyndaǵy memlekettik fılarmonıada tamashalaı alady.