Kúdikti buǵan deıin de osyǵan uqsas qylmysy úshin sotty bolǵan.
Almatyda zeınetkerlerdiń atynan zańsyz nesıe rásimdegen kúdikti anyqtaldy, dep habarlaıdy Almaty-akshamy.kz Polisia.kz-ke silteme jasap.
Bir epızodta 26 jastaǵy K. esimdi azamatsha ájeniń senimine qıanat jasap, onyń derekterin paıdalanyp, 900 myń teńge kóleminde taýarlyq onlaın nesıe rásimdegen.
«Jedel izdestirý is-sharalary barysynda kúdikti ustaldy. Ol aqshanyń qajettiligin alǵa tartyp, istegen isin birden moıyndady. Osy derek boıynsha QR QK-niń 190-baby (Alaıaqtyq) boıynsha qylmystyq is sotqa deıingi tergeýdiń biryńǵaı tizilimine tirkeldi», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Bir qyzyǵy, kúdikti buǵan deıin de osyǵan uqsas qylmys jasaǵany úshin sotty bolǵan. İs boıynsha tergeý jalǵasýda.