Bıyl grant sany da 88 myńǵa deıin kóbeıgen.
QR Ǵylym jáne joǵary bilim mınıstri Saıasat Nurbek Úkimet otyrysynda JOO stýdentterine arnalǵan stıpendıanyń jańa mólsherin aıtty, dep habarlaıdy Almaty-akshamy.kz
«Memleket basshysynyń tapsyrmasyna sáıkes, granttar sany 2020 jylǵy 65 myńnan 2022 jyly 88 myńǵa deıin ulǵaıtyldy. Sondaı-aq, oqýshylarǵa stıpendıa mólsheri de artyp keledi. Máselen, bakalavrıat stýdentterine 36 myń teńge, doktoranttarǵa 150 myń teńge qarastyrylǵan. 2025 jylǵa deıin stýdentterdiń stıpendıasy taǵy 2 esege, magıstranttar men doktoranttarǵa 1,5 esege artady», - dedi mınıstr.
Sonymen qatar, onyń aıtýynsha, joǵary bilim berý salasynda mamandardy daıarlaýǵa basa nazar aýdarylǵan.
«Magıstratýra deńgeıinde 5,8 %, doktorantýra deńgeıinde 0,94% ǵana oqıdy. Al álemdik tájirıbe kórsetkendeı, bakalavrıattyń araqatynasy 30-dan 45%-ǵa deıin, magıstratýra 10%-dan astam, al doktorantýra 2%-dan joǵary bolýy tıis, - dep atap ótti Saıasat Nurbek.