Qazir qyzmettik tergeý júrgizilip jatyr.
Almaty oblysynyń 5571 áskerı bóliminiń áskerı jaýyngeri qatty daýyl kezinde qaıtys boldy, dep habarlaıdy Almaty-akshamy.kz
2003 jyly týǵan A.N.Shahımov Qonaev qalasynyń aýrýhanasynda qaıtys boldy. Áskerge 2022 jyldyń kókteminde Aqmola oblysy Kókshetaý qalasynyń qorǵanys isteri jónindegi departamenti arqyly shaqyrylǵan.
«5571 áskerı bóliminiń jaýyngerlik daıarlyq josparyna sáıkes jedel maqsattaǵy 1-batalonnyń jeke quramy 8-13 tamyz aralyǵynda 5574 áskerı bóliminiń oqý-jattyǵý ortalyǵynda dalalyq shyǵýda boldy. 9 tamyzda saǵat 20.55 shamasynda qatty daýyl bastalyp, jel soǵyp, tigilgen shatyrlar qıraı bastady. Qatardaǵy jaýynger A. N.Shahımov óz áriptesterine qaýipsiz jerge evakýasıalaýǵa kómektesip júrgen. Sol kezde shatyrdyń metal jaqtaýyna basyn soǵyp, jaraqat aldy», - dep habarlady Ulttyq ulannyń baspasóz qyzmeti.