Germanıa men Japonıanyń úlgisi boıynsha.
Almatyda qala ákiminiń tapsyrmasy boıynsha zeınetkerlerdi jumysqa ornalastyrý boıynsha biregeı baǵdarlama iske qosylady, dep habarlaıdy Almaty-akshamy.kz
Almatyda qala basshysy Erbolat Dosaevtyń tapsyrmasy aıasynda alǵash ret zeınetkerlik jastaǵy adamdardy jumysqa ornalastyrý boıynsha «Altyn jas» baǵdarlamasy engiziledi.
Baǵdarlamanyń maqsaty-zeınetkerlikke shyqqannan keıin adamdardyń eńbek ómirine belsendi jáne nátıjeli qatysýy, jumyspen qamtylǵan halyq sanyn ulǵaıtý jáne tálimgerdiń rólin nyǵaıtý úshin múmkindikter jasaý.
Baǵdarlamanyń ereksheligi qatysýshylarǵa sýbsıdıalanǵan jalaqyny qamtamasyz etý bolyp tabylady. Zeınetkerlik jastaǵy adamdarǵa eńbekaqy tóleý jumys berýshiniń qarajaty esebinen jalaqynyń belgilengen mólsheriniń keminde 50% mólsherinde júrgiziletin bolady jáne jergilikti búdjet qarajatynan sýbsıdıalanady, biraq Qazaqstan Respýblıkasynyń Búdjet kodeksine sáıkes tıisti qarjy jylyna belgilengen eń tómengi bir jalaqydan aspaıdy (2024 jyly – 85 myń teńge).
«Altyn jas» baǵdarlamasyn iske asyrý 2024 jyldan 2028 jylǵa deıingi kezeńge josparlanǵan. Zeınetkerlik jastaǵy adamdardyń baǵdarlamaǵa qatysý merzimi 36 aıdan aspaıdy. 2024 jyly 500 orynǵa qarjylandyrý bólindi, 2025 jylǵa 1000 oryn, 2026 jylǵa 1500 oryn josparlanǵan.
Statısıkalyq derekter boıynsha, 2024 jylǵy 1 mamyrdaǵy jaǵdaıǵa oraı Almatyda 247 844 zeınetker turady, olardyń úlesi Almaty qalasy halqynyń jalpy sanynyń 11% -yn quraıdy. 2023 jyly megapolıs boıynsha jumyspen qamtylǵandardyń jalpy sanynan (1 045 505 adam) zeınetkerlik jastaǵy jumyspen qamtylǵandardyń úlesi 4,4% nemese 44 378 adamdy qurady, onyń ishinde 33 731-i uıymdarda jaldaý boıynsha jumys isteıdi, 10436 jeke kásipker jáne 736 ózin-ózi jumyspen qamtyǵandar.
Jumyspen qamtý jáne áleýmettik baǵdarlamalar basqarmasy Almaty ákiminiń tapsyrmasy boıynsha zeınetkerlik jastaǵy adamdar úshin jumys oryndaryn qurý qajettiligine taldaý júrgizdi.
Zeınetkerlik jasqa tolǵan qalanyń 1 076 turǵyny qatysqan áleýmettik saýalnamanyń qorytyndysy 80 jasqa deıingi 48% (nemese 519 adam) eńbek qyzmetin jalǵastyrýǵa jáne megapolıs ekonomıkasynyń damýyna óz úlesin qosýǵa nıetti ekenin kórsetti. Jumysty jalǵastyrýdyń negizgi sebepteri-qoǵamǵa paıdaly bolýǵa degen umtylys (15%), jumys ornynda tálimgerlik qyzmetti júrgizý qajettiligi (40%) jáne qosymsha tabys alý (45%).
Monıtorıń qorytyndysy boıynsha vedimistik baǵynysty uıymdar men jeke kásiporyndar arasynda 1 753 zeınetkerdiń jumysqa ornalasý qajettiligi anyqtaldy.
Zeınetkerlik jastaǵy adamdardy jumysqa ornalastyrýdyń eń úlken qajettiligi densaýlyq saqtaý, bilim berý jáne ónerkásip salalarynda, onyń ishinde 47% -y dárigerler, orta jáne kishi medısınalyq personal, joǵary oqý oryndaryndaǵy pedagogtar,mektepterdegi muǵalimder, tárbıeshiler, ınjenerler, elektrıkter, monterler jáne basqa da mamandyqtar sıaqty bilikti jumys oryndaryna arnalǵan.
Halyqaralyq tájirıbege sáıkes, atap aıtqanda EYDU elderi (Germanıa, Japonıa jáne t.b.) zeınetkerlik jastaǵy adamdar úshin zańnamalyq negizde jumyspen qamtýdyń belsendi sharalaryn qoldanýda. Mysaly, Japonıada bıznes ıelerine 70 jasqa deıingi egde jastaǵy adamdardy jumyspen qamtýdy qamtamasyz etip qana qoımaı, sonymen qatar osy sanattaǵy kadrlardyń aınalymyna taldaý júrgizý mindetteldi. Germanıada zeınetkerlerdi jumyspen qamtýdy jeńildetý maqsatynda «Shaǵyn» jumysqa ornalastyrý formaty ázirlendi, onyń aıasynda qatysýshylarǵa eń tómengi jalaqy qamtamasyz etiledi. Bul ýaqytsha jáne turaqty sıpattaǵy jumys, onda jumys berýshimen zeınetker úshin jumys saǵattarynyń sany talqylanady.
Baǵdarlamaǵa qalaı qatysýǵa bolady?
* jumys berýshi bos jumys ornyn kórsete otyryp, ótinimdi elektrondyq poshta arqyly usynady a.jas@almaty.gov.kz jáne ony elektrondyq eńbek bırjasynyń onlaın-servısine ornalastyrady Enbek.kz «zeınetker úshin» degen belgimen;
* berilgen ótinimder negizinde Almaty qalasynyń Eńbek mobıldiligi ortalyǵy mamandyǵy, sany, uzaqtyǵy jáne jumys kestesi, aıyna eńbekaqy mólsheri kórsetiletin uıymdardyń tizbesin jasaıdy;
* zeınetkerlik jastaǵy adam Almaty qalasynyń mansap ortalyǵyna myna mekenjaıǵa Dostyq dańǵyly, 85, 2 qabat, kab .201 A boıynsha jumysqa ornalasý týraly ótinishpen júginedi nemese elektrondyq poshta arqyly a.jas@almaty.gov.kz;
* Ortalyq qyzmetkerleri túıindeme jasaýǵa jáne qolaıly jumys ornyn tańdaýǵa kómek kórsetedi jáne áńgimelesýge joldama beredi;
* joldama berilgennen keıin zeınetker jumys berýshimen áńgimelesýden ótedi, ol sátti ótken kezde Qazaqstan Respýblıkasynyń Eńbek kodeksine sáıkes eńbek sharty jasalady;
* jumys berýshi Baǵdarlamaǵa qatysýshyny jumysqa qabyldaý týraly buıryqty jáne eńbek shartynyń kóshirmesin Almaty qalasynyń Eńbek mobıldiligi ortalyǵyna usynady, sondaı-aq qujattardyń skanerlengen kóshirmelerin elektrondyq eńbek bırjasynyń Enbek.kz.onlaın-servısine ornalastyrady.