Osyǵan baılanysty Qorǵanys mınıstrligi resmı málimdeme jasady.
Kináli jáne laýazymdy tulǵalar jaýapkershilikke tartylady, dep habarlaıdy Almaty-akshamy.kz Qorǵanys mınıstrliginiń baspasóz qyzmetine silteme jasap.
Oqý-jattyǵý barysynda Aıagóz garnızonyndaǵy áskerı bólimderdiń biriniń merzimdi qyzmettegi áskerı qyzmetshisi jaraqat alyp, kóz jumdy. Vedomstvonyń málimetinshe, qaıǵyly oqıǵaǵa qaýipsizdik erejeleriniń saqtalmaýy sebep bolǵan.
"Atalǵan fakti boıynsha qyzmettik tekseris taǵaıyndalyp, qylmystyq is qozǵaldy. Kináli jáne laýazymdy tulǵalar Qylmystyq kodeks jáne Tártiptik jarǵy aıasynda tıisti jaýapkershilikke tartylady", - delingen habarlamada.
Qazaqstannyń qarýly kúshteri áskerı qyzmetshiniń týǵan-týystary men jaqyndaryna orny tolmas qaıǵysyna ortaqtasyp, kóńil aıtty.