Bul kúnderi qalanyń jalpy bilim beretin mektepterinde mektep bitirýshilerge orta bilim týraly atestat tapsyrý rásimi ótip jatyr, dep habarlaıdy Almaty-akshamy.kz
– Bul kúndi jaqsy kóńil-kúımen aıaqtaý óte mańyzdy. Sondyqtan polıseıler qoǵamdyq tártip pen jol qaýipsizdigin saqtaýǵa baǵyttalǵan birqatar sharany qolǵa aldy. Qyzmetter men bólimshelerdiń is-áreketterin úılestirý, jaǵdaıdyń yqtımal ózgeristerine der kezinde den qoıý úshin bizdiń bólimshede jedel shtab quryldy. Patrúldik jasaqtardy ornalastyrý jáne profılaktıkalyq jumystar kúsheıtildi. Sonymen qatar bul sharalar kámeletke tolmaǵandardyń qatysýymen jasalatyn quqyq buzýshylyqtardyń jolyn kesýge baǵyttalǵan, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Sonymen qatar Almaty polısıasy jol qozǵalysyna qatysýshylardy JQE qatań saqtaýǵa shaqyrady.
– Egemendi elimizge bilimdi, zańǵa baǵynatyn, deni saý, ar-ojdany joǵary jastar qajet ekenin árbir ata-ananyń esine salǵym keledi, – dedi Shýmaev.