Budan buryn Almatyda zańsyz jumys istep júrgen ózbekstandyq jumysshylardyń ustalǵanyn habarlaǵanbyz.
Almatyda zańsyz jumys kúshiniń taǵy bir partıasy anyqtaldy, – dep habarlaıdy Almaty-akshamy.kz Polisia.kz saıtyna silteme jasap.
Bul joly Almatynyń Bostandyq aýdanyndaǵy úsh qabatty turǵyn úı kesheniniń qurylysynda elge zańsyz kelgender jumys istegen.
«Bizdiń bólimsheniń qyzmetkerleri Bostandyq aýdandyq PB-daǵy áriptesteriniń kómegimen jumysqa ruqsattary bolmasa da, eńbek etip júrgen 16 shetel azamatyn anyqtady. Olardy qara jumysshy retinde jumysqa alǵan. Tekserý barysynda joǵaryda atalǵan azamattardyń jeke basyn kýálandyratyn qujattary joq ekendigi anyqtaldy. Qazaqstan Respýblıkasynyń «Quqyq buzýshylyq profılaktıkasy týraly» zańynyń 29-babyna sáıkes, materıal jınaqtalyp, odan ári polısıa departamentiniń qabyldap-taratýyna ornalastyrý úshin Almaty qalasynyń mamandandyrylǵan aýdanaralyq ákimshilik sotyna jiberildi», – dedi Almaty qalalyq PD Kóshi-qon basqarmasy qyzmetiniń basshysy Asqat Býtýnchınov.
Polısıa 6 jeltoqsannan bastap shahar aýmaǵynda zańsyz kóshi-qon arnalaryn, Qazaqstan Respýblıkasynyń kóshi-qon zańnamasyn buzǵan adamdardy anyqtaýǵa jáne jolyn kesýge, sondaı-aq, qaladaǵy qylmystyq jaǵdaıdy jaqsartýǵa baǵyttalǵan «Kelimsek» respýblıkalyq jedel aldyn alý is-sharasy ótkizilip jatqanyn eske saldy.