Depýtat Dáýlet Turlyhanovtyń ekinshi uly da bir áıeldi taıaqtap tastapty. Áleýmettik jelilerde vıdeosy jarıalanǵan, dep habarlaıdy Almaty-akshamy.kz.
Sońǵy kezderi halyq qalaýlysynyń uldary ákesin jerge qaratyp jatyr. Degenmen, halyq qalaýlysy uldarynyń áreketine túsinik berýden sharshamaıtyn sekildi. Ekinshi ulynyń shalt áreketin aıtyp, halyq qalaýlysy óziniń áleýmettik jelisinde aqtalypty.
«Qurmetti qaýym!
Búgingi áleýmettik jelilerde meniń ulyma qatysty taraǵan vıdeo boıynsha túsinik berýdi jón kórdim.
Ózderińiz biletindeı, meniń áýletim aınalasyndaǵy mundaı oqıǵalar birinshi ret emes. Osyndaı oqıǵalardyń zańdylyqpen qaıtalanýy meniń kóńilime eriksiz oı salady. Men óz tarapymnan balalaryma tolyqtaı ákelik, qazaqy tárbıe berdim. Búgingi vıdeoǵa qatysty meniń de qoıatyn bir suraǵym bar. Tańǵy saǵat 4-te mundaı azamatshalar ulym turatyn úıge kelip, nege ondaı oqıǵaǵa bastaý bolatyny túsiniksiz. Jáne bul jaǵdaı aıaq astynan kameralarǵa túsip qalyp, belgili bir adamdarǵa paıdaly qıyndylarynyń aqparat quraldaryna taraýy, meniń ǵana emes, kez kelgen adamnyń kóńiline kúmán keltiredi.Bul meniń otbasyma sońǵy jyldary jasalǵan kezekti aqparattyq shabýyl dep oılaımyn. Vıdeony ańǵarǵan adamǵa meniń balamnyń bul janjaldan barynsha qashqaqtaýǵa áreket jasaǵany anyq kórinedi. Sizderge túsinikti bolý úshin vıdeonyń tolyq nusqasyn joldap otyrmyn. Osy bolǵan jaǵdaıdy durys túsinýlerińizdi suraımyn», - dedi halyq qalaýlysy.
Aıta ketsek, buǵan deıin Májilis depýtatynyń úlken uly mahabbaty úshin áskerden qashyp ketkeni týraly jazǵan edik. Sol kezde de halyq qalaýlysy balasynyń áreketine túsinik berip, eldiń aldynda aqtalǵan bolatyn.