Májilis onlaın platformalardyń jumysyna qatysty zań jobasyn qaraýǵa aldy.
Bul týraly depýtat Aıdos Sarym málim etti, dep habarlaıdy Almaty-akshamy.kz Ulysmedia.kz-ke silteme jasap.
«Búgin Májilis 7 depýtat usynǵan «onlaın platformalar» men «onlaın-jarnama» týraly zań jobasyn qaraýǵa aldy. Onyń negizinde bolashaqta Salyq kodeksi sıaqty aýqymdy qujattardyń daıyndyǵyn qamtamasyz etedi. Onyń ishinde kóptegen jańa uǵymdar bar. Maqsatty, targettik jarnama degen túsinik engiziledi. Osynyń negizinde memlekettik, salyq, qarjy organdary tıisti organdarmen jumys isteýge múmkindik alady. Bul - ádilettik máselesi. Mysaly, jýrnalıser etken eńbegi úshin salyq tóleıdi. Al kóp azamat zańdaǵy olqylyqty paıdalanyp, konvertpen aqsha alýǵa joq emes. Bul zań qabyldanatyn bolsa, onlaın-platformalardyń jumysyn retteıdi», - dedi ol.
Aıdos Sarymnyń sózinshe, belgili bir qoldanýshynyń sany asqan soń, áleýmettik platforma birqatar máseleni qamtýy kerek bolady.
«Iaǵnı, kez kelgen áleýmettik jeliniń kontenti orys tilinde jazylyp, ıspan tiline aýdarylsa, qazaq tiline de solaı aýdarylýy kerek. Qazaq tilinde zańsyz kontent bolsa, ózderi moderasıa jasaı alýy kerek. Iaǵnı, qazaqsha biletin maman bolýy kerek. Jalǵan aqparat berýshilerdi jumsartý týraly ózgerister engiziledi. Qazir keıbir azamat halyqtan mlrd-taǵan qarajatty qaıyrymdylyq úshin jınap jatady. Ol qaıda ketkenin eshkim eseptemeıdi, salyq ta tólenbeıdi. Qoǵamdyq tyńdaýlar ótkizemiz. Keıin jumys toby qurylýy kerek», - dedi ol.