Erbolat Dosaev: Bizde jol jóndeý kompanıalarynyń «qara» tizimi bar, olardy óz shuńqyrlary men aqaýlaryn joıýǵa májbúrleımiz
Búgin Almaty ákimi Erbolat Dosaevtyń Jetisý aýdany turǵyndarymen kezdesýi ótti. Onyń barasynda aýdan turǵyndary qala basshysyna suraqtaryn qoıya, ótinish-tilekterin bildirdi, dep habarlaıdy Almaty-akshamy.kz.
Turǵynnyń suraǵy: Bizge kómektesetin tazalyqshylardy bergenińiz úshin alǵys aıtqym keledi. Men 1994 jyldan beri jyljymaıtyn múlik ıeleri qaýymdastyǵynyń tóraǵasymyn. Meniń suraǵym mynaý: jer shuńqyr, úıge kiretin jol joq. Shilde aıynda shuńqyrdy jamap, tegistep beremiz dep ýáde bergensizder. Emin-erkin júrip-turý úshin joldy jóndep berýińizdi suraımyn.
Meken-jaıy: Eıhe kóshesi, 21.
Almaty ákimi Erbolat Dosaev:
"Ókinishke qaraı, Jetisý aýdanynda óz jumystaryn sapasyz oryndaıtyn merdigerlerdiń belgili bir tizimi bar. Solardyń biri - "Suńqar" JSHS, Olardy sapasyz jumystaryn qalpyna keltirýge májbúrleımiz. Men ákimdikke siz aıtqan mekenjaı boıynsha tapsyrma beremin. Biz qyrkúıek aıynyń sońyna deıin jumysty aıaqtaýǵa tyrysamyz: ony múmkindiginshe yńǵaıly etip jasaımyz jáne qysta eshqandaı problema bolmaıdy", - dep jaýap berdi.
Buǵan deıin, baıandama barysynda megapolıs ákimi bıyl Jetisý aýdanynda 18 kóshede 22 shaqyrym jolǵa ortasha jóndeý jumystaryn júrgizý josparlanǵanyn habarlady. 4 kóshede (Omarov, Qazybaev, Qojamıarov, Qazybaev kóshesi) jol jóndeý jumystary aǵymdaǵy jyldyń qyrkúıek aıynda aıaqtalady, qalǵan 14 kóshe aǵymdaǵy jyldyń qazan aıynda aıaqtalady. Qazan aıynyń sońyna deıin aǵymdaǵy jóndeýmen taǵy 7 myń m2 qamtylady.