2022 jyldyń 12 maýsymynda Ulttyq ǵylym akademıasynyń janynda velosporttan «Astana Motors Criterium» jarysy ótedi dep habarlaıdy almaty-akshamy.kz
Qatysýshylardyń sany – 100 adam (onlaın tirkelgen). Jarysqa 18 jastan asqan sportshylar jiberiledi. Jarysqa UCI erejelerine sáıkes jolda velosıped tebe alatyndar jiberiledi, olardyń velosıped formasy men veloshlemderi bolýy tıis.
Jarysqa baılanysty saǵat 07:00-den 12:00-ge deıin Qurmanǵazy – Pýshkın, Pýshkın – Shevchenko, Shevchenko – Qonaev kósheleriniń qıylysynda jol qozǵalysyn jabý josparlanýda.
Azamattardan ýaqytsha sharalarǵa túsinistikpen qarap, qozǵalys baǵytyn aldyn ala belgilep alýdy suraımyz.
İs-shara baǵdarlamasy:
07:00-07:50 – starttyq nómirler men chıpterdi berý
07:50 – kórý sheńberi
08:00 – krıterıýmnyń bastalýy
09:30 – marapattaý rásimi