Álemde eń erte zeınetker atanatyndar kórshi Qytaı halqy men túrkıalyqtar bolyp sanalady
Birikken Ulttar Uıymy keltirgen derekke sáıkes búginde álem boıynsha jasy 60-tan asqan azamattardyń sany 1 mıllıardtan asady, dep habarlaıdy Almaty-akshamy.kz «Habar 24» telearnasyna silteme jasap.
Boljam boıynsha 2050 jylǵa qaraı olardyń qatary 1,5 mıllıardqa jetedi. Osy rette qart kisilerdiń zeınetke shyǵý jasyna toqtalar bolsaq, erler arasynda ol 60 pen 67 jas aralyǵynda bolsa, áıelder zeınetkerlikke 55 pen 67 jasynda shyǵady.
Álemde eń erte zeınetker atanatyndar kórshi Qytaı halqy men túrkıalyqtar bolyp sanalady. Bul memleketterde er azamattar 60 jasynda shyǵady. Al áıelderge kelsek, Qytaıda olar 55 jasynda, Túrkıada 58-inde zeınetaqy ala bastaıdy.
Eń kesh AQSH, Italıa men Norvegıa azamattary shyǵady. Qoldanystaǵy zańnamaǵa sáıkes, olar 67-ge kelgende bir-aq zeınet jasyna jetti dep sanalady. Al Ulybrıtanıada 66 jasta, Avstralıada bolsa, turǵyndarǵa 65-ke tolǵanda ǵana zeınetke shyǵý ruqsat etilgen.