Bul týraly Almaty qalasy qoǵamdyq densaýlyq saqtaý basqarmasy epıdemıologıalyq baqylaý bóliminiń basshysy Vladımır Iýsýpov Óńirlik komýnıkasıalar qyzmetiniń brıfıńinde aıtty, dep habarlaıdy Almaty-akshamy.kz.
«Ambýlatorıalyq-emhana jelisindegi medısınalyq uıymdarda, onyń ishinde jekemenshik medısınalyq ortalyqtarda tirkelgen turǵyndardy koronavırýstyq ınfeksıaǵa qarsy vaksınasıalaý jáne revaksınasıalaý jalǵasýda. Qazir qalada KazVak jáne Sınofarm vaksınalary qoldanylýda, búginnen bastap turǵyndardy Pfaızer vaksınasymen ımmýndaý josparlanýda», - dedi ol óz baıandamasynda.
Jalpy, 2021 jyldyń 1 aqpanynan bastap vaksınasıa bastalǵannan búgingi kúnge deıin aıaqtalǵan vaksınasıa kýrsymen 1 313 040 adamnyń 1 mln 221 myń 152-si qamtyldy, bul 93 paıyzdy quraıdy. Qalǵandary Qazaqstan Respýblıkasynan ketkendikten, ekpe almaǵan bolýy múmkin. Olardyń arasynda ekinshi dozamen vaksınasıalaý kezinde vaksınasıaǵa qarsy kórsetilimderi barlary da anyqtalǵan (júktilik, jańadan anyqtalǵan aýrýlar jáne t.b.). Vaksınasıanyń tolyq kýrsymen 640069 adam revaksınasıalandy.
«Búgingi tańda qalanyń medısınalyq uıymdarynyń balansynda "KazVak" vaksınasynyń 7416 dozasy, SinofarmVeroCell vaksınasynyń 5633 dozasy jáne "Pfaızer" vaksınasynyń 25 740 dozasy bar», - dep túıindedi ol.