Qala boıynsha 9698 adam jumys berýshiler esebinen vaksınasıalansa, 3651adam óz qarjysyna vaksına saldyrdy.
Óńirlik komýnıkasıalar qyzmetiniń brıfıńinde Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova turǵyndar arasynda JRVI men tumaýdyń aldyn alý jóninde aıtyp, mańyzdy taqyrypty kóterdi, - dep habarlaıdy almaty-akshamy.kz
Onyń keltirgen derekteri boıynsha, ótken aptada Almaty qalasynda JRVI, tumaý aýrýlarynyń 23 995 jaǵdaıy tirkeldi, 100 myń turǵynǵa shaqqandaǵy kórsetkishi- 1121,81-i quraıdy, bul kórsetkish ótken jyldyń osy kezeńimen salystyrǵanda 39,5% paıyzǵa (33470 jaǵdaı) tómen. Bul aýrýmen naýqastanýdyń 65,7%-y balalardy qamtıdy. Sonymen qatar, bul maýsymda tumaý juqtyrýdyń 110 jaǵdaıy tirkeldi.
«Tumaýmen syrqattanýdyń 110 jaǵdaıy tirkeldi, onyń ishinde «V» túrimen - 109 jaǵdaı jáne «A» túrimmen (H3N2) -1 jaǵdaı, barlyq naýqastar em qabyldady, jaǵdaılary qanaǵattanarlyq», - dep atap ótti Á.Qalyqova.
Spıker vaksınasıanyń halyqty tumaý vırýsyn juqtyrýdan qorǵap qana qoımaı, asqynýlar men ólim-jitim deńgeıin aıtarlyqtaı tómendetýge kómektesetinin eske saldy. 2022 jylǵy 30 qarashadaǵy jaǵdaı boıynsha tumaýǵa qarsy 223 349 adam egildi, onyń ishinde 210 000 adam «qater tobyna» (100%) jatady.
Sondaı-aq, ol jeke menshik medısınalyq ortalyqtarda óz qaltasynan tólep, ekpe alǵysy kelgen basqa turǵyndarǵa jáne ártúrli salalarda eńbek etetinderge jumys berýshiler esebinen tumaýǵa qarsy ekpe júrgizilýde. Tumaýdyń aldyn alý maqsatynda jergilikti ákimshilik esebinen osal toptaǵy turǵyndardy (medısına qyzmetkerlerin, medısınalyq uıymdarda medısınalyq baqylaýǵa jatatyn balalardy, alty aıdan asqan kóp aýyratyn balalardy, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdary, sábıler úıleri balalaryn, medısınalyq-áleýmettik mekemelerdiń (uıymdardyń) qyzmet alýshylaryn, júktiliktiń 2-shi nemese 3-shi trımestrinde júkti áıelderdi, júrek - qantamyrlyq júıesiniń jáne tynys alý músheleriniń sozylmaly aýrýlary bar jáne epıdemıologıalyq kórsetimderi boıynsha jyl saıyn tumaýǵa qarsy vaksınasıalaýǵa jatatyndar) vaksınasıalaý júrgiziledi», - dedi SEBD basshysynyń orynbasary.
JRVI/tumaýmen syrqattanýshylyqtyń órshýi kezeńinde spesıfıkalyq profılaktıkadan basqa Á.Qalyqova qala turǵyndaryna spesıfıkalyq emes profılaktıkanyń jalpy sharalaryn saqtaýdy usyndy:
- JRVI-men naýqastanǵan adamdardan aýlaq bolyńyz, al eger baılanys sózsiz bolsa, onda maska kıip, oksolın maıyn qoldanyńyz;
- aýrýǵa shaldyqqan jaǵdaıda úıde bolý, ózin-ózi emdeýmen aınalyspaý, medısına qyzmetkerin shaqyryp, otbasy ortasynda nemese ujymda bolǵan kezde maska kıý, dárigerdiń taǵaıyndaýy boıynsha em alý qajet;
- túshkirý jáne jótel kezinde aýzyńyzdy qolyńyzben, maılyqpen, oramalmen jaýyp, qolyńyzdy múmkindiginshe jıi jýyńyz;
- ımýndyq júıeni arttyrý: S vıtamınin jáne dárigerdiń usynysy boıynsha basqa dári-dárimekterdi qoldaný;
- qashyqtyqty saqtaý, kóp adam jınalǵan is-sharalarǵa qatysýdy azaıtý qajet, ásirese JRVI, tumaý aýrýynyń kóterilýi kezeńinde, úı-jaılardy ylǵaldy tazalaý ótkizip, jeldetý kerek;
- syrqattanǵan balalardy uıymdastyrylǵan ujymdarǵa, mektepke deıingi balalar mekemelerine jibermeý.