Báseke 2-3 maýsym kúnderine josparlanǵan.
Almatyda ústel tenısinen jasóspirimder arasynda Ortalyq-Azıa boıynsha Azıa chempıonatyna irikteý týrnıri ótedi, dep habarlaıdy Almaty-akshamy.kz Olympic.kz silteme jasap.
Atalǵan báseke 2-3 maýsym kúnderine josparlanǵan. İrikteý dodasyna Iran, Qyrǵyzstan, Tájikstan, Túrkimenstan, Ózbekstan jáne Qazaqstan quramalarynan sportshylar qatysady.
Alan Qurmanǵalıev, Eskendir Harkı, Sanjar Jubanov, Saǵantaı Qurmambaev, Sarvınoz Mırkadırova, Angelına Romanovskaıa, Anel Baqyt jáne Alısa Svıgýn Qazaqstan namysyn qorǵaıdy.
Jarys kestesi tómendegideı:
2 maýsym
09:00 - 19:00: Komandalyq sanat boıynsha irikteý kezeńi;
3 maýsym
09:30 - 13:30: Komandalyq sanat boıynsha jartylaı fınaldyq jáne fınaldyq kezdesýler;
14:00 - 18:00: Jekeleı sanat boıynsha irikteý kezeńi (uldar, qyzdar);
18:00 - 19:30: Jekeleı sanat boıynsha fınal (uldar, qyzdar).