Almatyda kópqabatty úıdiń úshinshi qabatynan sekirip ketken sarbazdyń jaǵdaıy týraly jańa málimet belgili boldy.
Almaty qoǵamdyq densaýlyq saqtaý basqarmasynyń habarlaýynsha, 2007 jyly týǵan sarbaz qazir qalalyq kópsalaly jedel shuǵyl kómek kórsetý aýrýhanasynda em qabyldap jatyr, - dep habarlaıdy Aqshamnews.kz.
Sarbazdyń jaǵdaıy - ortasha aýyr.
- Naýqas beıindi bólimshege jatqyzyldy. Oǵan aýrýhana psıhologi keńes berip, psıhoemosıalyq qoldaý tolyǵymen kórsetilip jatyr. Negizgi aýrýy boıynsha em QR Densaýlyq saqtaý mınıstrliginiń hattamasyna saı júrgizilip jatyr, — delingen basqarma taratqan aqparatta.
2025 jylǵy 4 qazanda Almatydaǵy 5571 áskerı bóliminde merzimdi qyzmettegi sarbaz úshinshi qabattan sekirip ketken. Ol Almaty shuǵyl medısınalyq járdem aýrýhanasyna jetkizildi.