Qazaqstan rekordtyq baǵamen altyn satyp alyp jatyr, - dep habarlaıdy Aqshamnews.kz.
2025 jylǵy tamyz aıynda Qazaqstan álem boıynsha altyn satyp alý kólemi boıynsha birinshi orynǵa shyqty. Bul týraly World Gold Council (Dúnıejúzilik altyn keńesi) óziniń jańa esebinde habarlady.
Ulttyq bank tek tamyz aıynyń ózinde 8 tonna altyn satyp alyp, búkil álem boıynsha ortalyq bankter satyp alǵan 15 tonnanyń jartysynan kóbin ıelendi.
Sarapshylardyń aıtýynsha, álemde altyn baǵasy rekordtyq deńgeıge jetip jatqan shaqta, kóptegen memleketter baǵanyń joǵary bolýyna baılanysty altyn qoryn ulǵaıtýdy toqtatqan. Biraq Qazaqstan bul qatarǵa qosylmady.
«Qazaqstan Ulttyq banki qatarynan alty aı boıy altyn satyp alyp keledi. Qazir onyń altyn qory 316 tonnaǵa jetti. Bul – 2024 jyldyń sońymen salystyrǵanda 32 tonnaǵa artyq», – delingen keńes esebinde.
2025 jyldyń basynan beri altyn satyp alý kólemi boıynsha Qazaqstan ekinshi orynda tur — 15,65 tonna. Birinshi orynda Polsha, ol 18,66 tonna altyn satyp alǵan.
Ekonomıserdiń pikirinshe, Ulttyq banktiń mundaı qadamy — valúta rezervterin ártaraptandyrý jáne qarjy qaýipsizdigin nyǵaıtý maqsatyndaǵy strategıalyq sheshim. Altyn — álemdegi eń senimdi aktıvterdiń biri retinde, qunsyzdanýǵa qarsy turaqty qor retinde qarastyrylady.
- 8 tonna — tamyzda Qazaqstan satyp alǵan altyn kólemi
- 316 tonna — Ulttyq banktiń jalpy altyn qory
- 15,65 tonna — 2025 jyly satyp alynǵan altyn