Uzyndyǵy 2,3 km bolatyn eki jerústi jaıaý júrginshiler ótkelin, trotýarlar men velosıped joldaryn salý jáne kóshelerdi jaryqtandyrý qarastyrylǵan.
Almaty ákimi Baqytjan Saǵyntaev «Almaty» telearnasyndaǵy jol ınfraqurylymyn damytý jónindegi onlaın-tanystyrylym barysynda salynyp jatqan úsh jolaıryq týraly aıtty, dep habarlaıdy Almaty-akshamy.kz.
Buqtyrma kóshesi - Qulja trakti boıyndaǵy jolaıryqtyń qurylysy irgeles ornalasqan shaǵynaýdandar men 300 myńǵa jýyq turǵyny bar Almaty oblysynyń qala mańyndaǵy eldi mekenderin qalanyń ortalyq bóligine jáne Almaty halyqaralyq áýejaıyna qoljetimdi etýge baǵyttalǵan.
Jolaıryqtyń qurylysy Qulja traktisiniń kólik ótkizý qabiletin táýligine 77 myń kólikke deıin arttyrady, al Buqtyrma kóshesindegi kólik qozǵalysy táýligine 60 myńǵa deıin ulǵaıady.
Joba boıynsha, Buqtyrma kóshesi boıyna (570 m) týneldi bóligi bar úsh deńgeıli jolaıryqty, Qulja traktisi boıyna (783 m) estakadasy bar úsh jolaqty jáne olardyń qıylysyndaǵy aınalmaly qozǵalysty qamtamasyz etetin kireberisterdi salý qarastyrylǵan.
Aǵymdaǵy jyly jekelegen kire berister men baǵyttar boıynsha kólik qozǵalysyn ishinara ashý josparlanýda. Keler jyly qurylys tolyq aıaqtalady.
Seıfýllın dańǵyly – Jansúgirov kóshesiniń qıylysynda týnel túrindegi jolaıryq salynýda. Joba boıynsha, Seıfýllın dańǵyly boıymen kóliktiń kedergisiz júrýine arnalǵan jalpy uzyndyǵy 690 metrlik eki týnel salý qarastyrylǵan.
Jansúgirov kóshesi boıynda jáne kire beristegi kólik qozǵalysy jer deńgeıinde ótedi. Sondaı-aq, 4 jerústi jaıaý júrginshi ótkeliniń, trotýarlardyń qurylysy, aýmaqty abattandyrý jáne kógaldandyrý jumystary qarastyrylǵan.
Jolaıryqtardyń qurylysy qazirdiń ózinde aıaqtalǵan Nazarbaev dańǵylyn temirjol boıymen ótetin estakadamen birge soltústik-ońtústik kólik aǵyndaryn bólýge múmkindik beredi. Seıfýllın dańǵylynyń ótkizý qabileti táýligine 65 myń kólikti, Jansúgirov kóshesinde táýligine 76 myń kólikti ótkizetin bolady. Jobany aıaqtaý 2021 jyldyń jeltoqsanyna josparlanǵan.
Rysqulov dańǵyly – Emsov kóshesi boıyndaǵy jolaıryq kire beristeri men baǵytttary bar Rysqulov dańǵyly arqyly ótetin kópirdi qamtıdy. Estakadanyń uzyndyǵy – 186 metr. Jerústi jaıaý júrginshiler ótkeliniń qurylysy qarastyrylǵan.
Bul jolaıryq paıdalanýǵa berilgen kezde Rysqulov dańǵylynyń kólik ótkizý qabileti táýligine 80 myńǵa deıin, al Emsov kóshesinde táýligine 40 myń kólikke deıin artatyn bolady.
Bıyl Saıyn men Móńke bı kósheleriniń qıylysynda jolaıryqtyń qurylysyn bastaý josparlanýda. Ol «jońyshqa japyraǵy» tıptes, túrli baǵyttary ári kire beristeri bolady.
Uzyndyǵy 2,3 km bolatyn eki jerústi jaıaý júrginshiler ótkelin, trotýarlar men velosıped joldaryn salý jáne kóshelerdi jaryqtandyrý qarastyrylǵan. Jolaıryǵynyń ótkizý qabileti táýligine 100 myń kólikti quraıtyn bolady.