Almaty qalasynyń ákímí Baqytjan Saǵyntaev «Almaty» telearnasyndaǵy jol ınfraqūrylymyn damytu jóníndegí onlaın-tanystyrylym barysynda qalada JKO-nyń, apattarda jaraqat alǵandar men qaza bolǵandardyń sanyn tómendetuge baǵyttalǵan Vision Zero baǵdarlamasy turaly aıtty, dep habarlaıdy Almaty-akshamy.kz.
«Bíz qauípsíz, qoljetímdí árí jaıly kóshe ınfraqūrylymyn qūruǵa tyrysamyz. Negízgí basymdyq – jayau júrgínshíler qauípsízdígí», – dedí B. Saǵyntaev.
Baǵdarlama ayasynda 2020 jyly 316 uchaskeníń, onyń íshínde 120 mekteptíń jolyna qısyq tósemder ornatyldy. Sondaı-aq, 18 trapetsıya tárízdí ótkelderdíń 16-sy mektep aldyna qtıyldy, 15 baǵdarsham ornatyldy, 115 rettelmegen jańa jayau júrgínshíler ótkelí jabdyqtaldy, 10 qauípsízdík araly ūıymdastyryldy. Sonymen qatar, júrgínshílerge yńǵaıly bolu úshín jerasty ótkelderíníń janyna baǵdarshamdary bar 5 jerústí jayau júrgínshíler ótkelí jasalady.
Bıyl baǵdarlama jalǵasyn tapty. 20 qauípsízdík aralyn jabdyqtau, 34 baǵdarshamdy, 28 jayau júrgínshíler baǵdarshamyn ornatu, jaryq shamdary qoıylǵan 30 rettelmegen jayau júrgínshíler ótkelín ūıymdastyru josparlanǵan.
Mektep aldynda trapetsıya tárízdí 20 ótkel ūıymdastyru josparlanuda. Velosıpedshílerdíń qauípsízdígín arttyru úshín qalanyń velosıped joldarynyń boıyna 2000 jol bógegíshterí (bollar) ornatylady.
Almatyda jol qauípsízdígín arttyru maqsatynda qūqyq būzushylyqtyń aldyn alu men baqylaudyń zamanauı tehnologıyalaryn engízu jalǵasuda. Ótken jyly «Sergek» kameralarynyń sany 464 keshende 2,3 myńnan astam bírlíkke jetkízíldí.
Kameralar ózderíníń tıímdílígín kórsettí: joldardaǵy ólím-jítím 48%-ǵa, jazataıym oqıǵalar sany 29%-ǵa azaıdy. Ótken jyly kameralardyń kómegímen 900 myń qūqyq būzushylyq anyqtaldy. 2021 jyldyń qańtarynan mausymyna deıín 600 myńnan astam būzushylyqtar tírkeldí.
Júıe qylmystyq qūqyq būzushylyqtardy sheshude belsendí qoldanylady. Osylaısha, «Sergek» kameralarynyń kómegímen 50-den astam qylmystyq qūqyq būzushylyq ashyldy.
Bıyl «Sergek» jobasyn 766 keshenge, qıylystar men syzyqtyq uchaskelerde árqaısysy 383 keshenge, jalpy sany 5 myńnan astam kameraǵa deıín arttyru josparlanyp otyr.