Olar jábirlenýshiniń uıaly telefonyn qoldy etken.
Tonaý deregin Bostandyq aýdanynyń polısıa qyzmetkerleri anyqtady, dep habarlaıdy Almaty-akshamy.kz Polisia.kz-rt silteme jasap.
«Qylmys tún jarymynda Ǵabdýllın men Manas kósheleriniń qıylysynda boldy. Úsh jas jigit kúsh qoldanyp, 19 jastaǵy jasóspirimniń uıaly telefony men qulaqqabyn urlap ketken. Qylmystyq jospar stýdentterdiń basyna áp-sátte keldi. Olardyń áreketin eshkim baqylap turmaǵanyna kóz jetkizgennen keıin, jábirlenýshige júgirip baryp, qolynan uıaly telefon men qulaqqapty julyp alyp, qashyp ketken. Jedel izdestirý is-sharalarynyń barysynda sol kúni 27 jastaǵy J.esimdi azamat pen 25 jastaǵy B.esimdi azamat ustaldy. Úshinshi qatysýshy qazir izdeýde, biraq onyń jeke basy anyqtaldy. Atalǵan derek boıynsha QR QK-niń 191-baby 2-bóliginiń 1-tarmaǵyna sáıkes qylmystyq is tirkeldi. Uıaly telefon men qulaqqap tárkilenip, aıǵaqty zat retinde iske qosyldy», – dedi Bostandyq aýdandyq PB-na qarasty polısıa bóliminiń bastyǵy Ǵalym Qasymbaev.
Mamandandyrylǵan aýdanaralyq tergeý soty aıyptalýshylarǵa qatysty qamaý túrindegi bultartpaý sharasyn sanksıalady. Olardyń jeke basy basqa da qylmystarǵa qatysy bar-joǵyna tekserilip jatyr.