Ortalyq qalalyq klınıkalyq aýrýhanaǵa jol-kólik oqıǵasyna ushyraǵan 54 jastaǵy er adam shuǵyl jetkizilgen.
Tekseris nátıjesinde naýqastyń oń jaq jambas súıeginiń yǵysýymen jabyq perıprotezdi synyǵy anyqtaldy, dep habarlaıdy Almaty-akshamy.kz.OQKA baspasóz qyzmetine silteme jasap.
Aýrýhananyń ortopedıa bólimshesi meńgerýshisiniń m.a. Salamat Toıymbetovanyń aıtýynsha, pasıentke shuǵyl operasıa jasaý qajet bolǵan, sebebi tamyrlar men júıkege zaqym keltiretindeı, súıek jaryqshaqtary paıda bolyp, qaýipti súıek synyqtary dıagnostıkasy anyqtalǵan.
Travmatologıa jáne ortopedıa kafedrasynyń dosenti Qaırat Orazalıevtiń basshylyǵymen klınıkanyń ortopedteri er adamǵa joǵary tehnologıalyq operasıa júrgizdi. Jambas súıeginiń perıprotezdi synyǵynyń osteosıntezi. Naýqasqa kúrdeli ota júrgizildi. Kúrdeli bolýynyń sebebi - pasıentke buǵan deıin de birneshe operasıa jasalǵan.
Súıektiń anatomıasy buzylǵan. Sonymen qatar, shuǵyl aralasýy súıeginde endoprotezdiń aıaqtary bolǵanynan qıyndaı tústi, osyǵan baılanysty súıektiń turaqty sıntezin jasaýǵa týra keldi.
Bul úderis súıek bólshekteriniń uzaq ýaqytqa qozǵalýyn boldyrmaıtyndaı arnaıy apparattar men qurylǵylardyń kómegimen súıektegi synyqtardy durys ornatý múmkindigin berdi. Joǵary deńgeıde naqty ornydalýyn talap etetindeı osyndaı qıyn operasıa jasaýdan buryn pasıentti tomograftyń kómegimen muqıat tekserip alýy tıis, mamandar budan hırýrgıalyq emdeý joparyn quryp, ońtaıly ádisin jáne quraldar men fıksatorlar jıyntyǵyn durystańdaı alady.
«Hırýrgıalyq repozısıanyń barlyq túrleri segment osteriniń qozǵalysynyń fýnksıonaldyq múmkindikterin saqtap qalady. Manıpýlásıa bolsa súıek óskenge deıin zaqymdanǵan ýchaskeni turaqtandyryp bekitedi»- dedi ortopedıa bólimshesi meńgerýshisiniń m.a Salamat Toıymbetova.
Operasıa eki saǵatqa sozyldy. Ota nátıjesi óte jaqsy ótti. Ekinshi kúni pasıent aıaǵynan tik turyp, arbanyń kómegimen jyljı bastady. 7-táýlikte pasıenttiń ótinishimen aýrýhanadan shyqty. Pasıentke aldaǵy ýaqytta dárigerdiń nusqaýymen belgilengen bir merzimde ońaltý kýrsynan ótip turý qajet.