Ol eki kúnde alty ret bótenniń múlkin urlaǵan.
Almatyda Qyrǵyzstan azamaty jańa jyl aldyndaǵy ábigerdi paıdalanyp qalta urlyǵyn jasap júrgen, dep habarlaıdy Almaty-akshamy.kz Polisia.kz-ke silteme jasap.
Bul týraly Almaly aýdandyq polısıa basqarmasy habarlady. Atalǵan bólimsheniń jedel qyzmetkerleri ótken kúni tájirıbeli «qalta urysyn» ustady.
«Saýda úıleri men sýpermarketterde 34 jastaǵy K. esimdi azamat urlyq jasap júrgen. Bizdiń aýdanda bar bolǵany eki kúnniń ishinde qaskóı alty ret bótenniń múlkin urlaǵan. Ol negizinen uıaly telefondardy urlaǵan, olardy, ádette, uzaq ýaqyt boıy sórelerdi qarap júretin áıelderden ǵana jymqyrǵan. Osy kezde jeńil aqshany unatatyn jigit, kúrtesheleriniń qaltasynan bildirmeı gadjetterin shyǵaryp alyp, jasyrynyp qalǵan. Aıyptalýshy qazir qamaýda otyr. Onyń jeke basynyń basqa da urlyqqa qatysy bar-joǵyna tekserip jatyrmyz – ol qalanyń basqa da jerlerinde urlyq jasap júrgen bolýy múmkin», – dedi Almaly aýdandyq polısıa basqarmasynyń bastyǵy Esen Ysqaqov.